Демалыс күндері кейбір облыстарда ауа температурасының климаттық нормадан 3-9 ºС-ге жоғары болғаны байқалды.
Мұндай ауа райы жылы ауа массасының Ираннан Қазақстан және Батыс Сібірге ауысуымен байланысты. Алдағы үш тәулікте жылы, кей жерлерде жауын-шашынды ауа райы әсіресе оңтүстік және шығыс облыстарда сақталады. Батыс және солтүстік батыста Ресейдің еуропалық бөлігінен біртіндеп суық және ылғалды ауа массасы басталады.
Сол себепті бұл аймақтарда ауа райы жауын-шашынды, жабысқақ қар жауып, тұманданады, ауа температурасы біртіндеп төмендеп, көктайғақ болады, деп күтілуде.
