Қамақтағы мүгедектің құқығы қорғалсын

Ақмола облысындағы Гра­нит­ный кентінде орналасқан 166/25 қамақ мекемесінде бол­ғанымызда мүгедектердің жағ­дайы сын көтермейтіндігіне көзі­міз жетті. Алғашқы ұсталу сәті­нен бастап қылмыстық жазасын өтейтін орынға жеткізілгенге дейін олардың құқы бұзылады екен. Негізгі мәселе олардың медициналық көмекті ала алмауына байланысты болып отыр. Маман дәрігерлердің болмауы себебінен және қажетті дәрі-дәрмектің жетіспеуінен олардың жағдайы нашарлай түседі.

Сондықтан біз Премьер-Министрдің орынбасары Ерболат Досаевқа депутат­тық сауал жол­­дап, төмендегі шараларды атқаруды ұсындық:

1.Бас еркінен айыру меке­ме­лерінде нормативтік және рег­ла­менттік құжаттармен мүге­дек­тердің арнайы мәртебесі анық­талуы керек;

2.Осы орындарда мүгедек­тердің еркін қозғалуы мен жүріс-тұрысына мүмкіндік беретін пандустар, санитарлық-гигиеналық орындар қамтама­сыз етілсін;

3.Медициналық және әл­еу­­мет­­тік-психологиялық кө­мек­тер жасау мүмкіндігі қарасты­рылсын;

4. Қоғамдық ұйымдармен бірлесе отырып мекемелердің қызметкерлерін мүгедектермен жұмыс істеу әдісіне үйрету керек;

5. Сотталған мүгедектерді тасымал­дау үшін арнаулы­ кө­лік құралын пайдалану қа­жет.­ Мүгедектер де біздің қоға­мы­мыздың мүшелері, олар ер­тең ортамызға оралғанда өзде­рі­нің адами құқықтары тап­талғандығы себепті кек­теніп, ашу-ызамен оралмауы керек. Ал олардың арасын­да қасақана жасалмаған, болмашы қылмыспен жазаға тартылғандар көп. Сондықтан олардың болашағын ойлау қоғам мүшелерінің міндеті.

Жанат ОМАРБЕКОВА,

Мәжіліс депутаты