Аймақтар • 21 Қараша, 2017

СҚО-да «Ресей-Қазақстан – мәңгі­лік достықтың қос қанаты» атты фес­тива­ль өтті

76 реткөрсетілді

«Ресей-Қазақстан – мәңгі­лік достықтың қос қанаты» атты халықаралық фес­тива­ль аясында қала тұр­ғын­дары Ямал-Ненец авто­номиялық округін қоныс­­танған халықтардың тұр­мыс-тіршілігімен, мәде­ние­тімен жан-жақты танысты.

Бүгінде аталмыш округте жарты миллионға жуық халық тұрса, үштен бірі ненец, ханты, селькуп секілді жергілікті тұрғындар. Олар негізінен бұғы және балық шаруашылығымен айналысады. Санының аздығына қарамастан салт-дәстүрлерін, әдет-ғұрып­тарын берік ұстанатынын шара анық байқатты. Оның аясында Сібірдің ұсақ ұлттары жайлы де­ре­кті фильмдер көрсетіліп, дас­­­тар­­қанға ұлттық тағамдар қо­йылды.

Делегация жетекшісі, округ үкіметі басшысының орынбасары Елена Рудковскаяның айтуынша, Солтүстік Қазақстан мен Ямал-Ненец автономиясы арасындағы тұрақты байланыс 2011 жылдан бері жалғасып келеді. Осы аралықта екі тарап арасында көптеген достық, мәдени жобалар жүзеге асырылған. Делегация мүшелерінің бірі Константин Ямзиннің әке-шешесі саналы ғұмы­рында көшпелі өмір салтын ұста­нып, кейін балаларына аманат­таған. Ол бұғы өсіру кәсібі­мен шұғылданып қана қой­май, ескі­лікті құндылықтарды да жа­ны­на серік еткен. Бақсы-шаман­дар­дан қалған музыкалық аспапты жақсы меңгерген. Ресей­дің қиян түкпірінде тұрса да, озық жетіс­тік­терден хабары мол. Сібір­ді суық, сұсты десеңіздер қате­ле­се­сіз­дер. Әр жердің қайталанбайтын таби­ғаты, өзіне тән тылсым сырлары болады. Ямал-Ненец – сондай аймақ дейді ол жылы жымиып.

Жұртшылық назарына бұғы терісінен тігілген неше түрлі бұйым­­дар да ұсынылды. Қай-қай­сы­­сы болсын көздің жауын алады.

Дастарқан мәзіріне қақталған бұғы еті, шұжығы, балықтың алуан түрлері мен уылдырықтар қойы­лып, көпшілік дәм татты.

Ресейдің алыс түкпірінде орна­лас­қанына қарамастан округ­тің өркениет көшіне ілесіп келе жатқаны сүйсінтеді. Орталығы Салехард мұнайлы қала саналады. Басқа да пайдалы қазбалар өндірілетіндіктен, өнімдеріне деген сұраныс жоғары көрінеді.

Халықаралық байқау аясында ұйымдастырылған фотокөр­мелердің, картиналардың, әдеби туындылардың да тағылымы мол болды. 

Өмір ЕСҚАЛИ,
«Егемен Қазақстан»

Солтүстік Қазақстан облысы

Баннер
Соңғы жаңалықтар

Ұлылар үндескен күн

Аймақтар • Бүгін, 17:41

Күлкі керуені №4

Руханият • Бүгін, 12:12

Ең қысқа әңгіме. Ерғали Бақаш

Ең қысқа әңгіме • Бүгін, 12:07

Ең қысқа әңгіме. Мақсат Мәлік

Ең қысқа әңгіме • Бүгін, 12:04

Ең қысқа әңгіме. Есболат Айдабосын

Ең қысқа әңгіме • Бүгін, 12:01

Ең қысқа әңгіме. Нәзира Жәрімбет

Ең қысқа әңгіме • Бүгін, 11:57

Ең қысқа әңгіме. Алмаз Мырзахмет

Ең қысқа әңгіме • Бүгін, 11:27

Алматы еліміздің мәдени орталығы

Қазақстан • Бүгін, 10:10

Жаңаөзенде «Баста» форумы өтті

Аймақтар • Бүгін, 10:04

«Алтын бутса» иесі атанды

Спорт • Бүгін, 09:52

Тағы овертаймда ұтылды

Хоккей • Бүгін, 09:50

Жәнияның жұлдызы жарқырады

Руханият • Бүгін, 09:49

Тылсым өнердің тәлімгері

Руханият • Бүгін, 09:41

Мәскеуде шыққан мәнді шығарма

Әдебиет • Бүгін, 09:26

Жақсым

Руханият • Бүгін, 09:24

Жол үстінде босанды

Қазақстан • Бүгін, 09:19

Ұқсас жаңалықтар