Жалпы, Шолаққорған-Шымкент тас жолы қыстың күндері қар басып, көліктерге үлкен тосқауыл болады. Бұтақтары ұйысқан көдедей болып өсетін жыңғыл жазда құмды дауылға, қыста-қалың қардан қорған.
Созақтықтар сенбілікке шығып, Шолаққорғаннан Жартытөбеге дейінгі аралықта үш қатар жыңғыл екті. Көшеттерді суаруды «Созақ сәулет» коммуналдық кәсіпорыны мойнына алған. Алда Созақ ауданының 90 жылдық мерейтойы келе жатыр. Аудан тұрғындары мерекеге дайындық мәселесін жол бойын абаттандырумен бастап отыр.
Бақтияр ТАЙЖАН,
«Егемен Қазақстан»
Оңтүстік Қазақстан облысы.
