Жақсы дәстүр – отбасының тірегі

Осы мәселенің себептерін анықтау мен шешу жолы төңірегінде өңірімізде облыстық ішкі саясат басқармасының тапсырысы бойынша «Облыстың аудан, қалаларында отбасының беделін көтеру, неке және отбасы құндылықтарын дә­ріптеу және қоғамның гендерлік мә­дениетін арттыру бойынша іс-шаралар ұй­ым­дастыру» атты әлеуметтік жобаны және Мемлекет басшысының «Болашаққа бағ­дар: рухани жаңғыру» атты мақаласын на­сихаттау мақсатында «Ғаламат» қо­ғам­дық бірлестігі «Отырар» облыстық ғы­лыми-әмбебап кітапханасымен бірлесіп об­лыстағы барлық қалалық, аудан­дық кітапханалардың қатысуымен «Жақ­сы дәстүр – отбасының тірегі» та­қы­рыбында кез­десулер өткізді.

Бұл кез­де­сулердің ерек­шелігі – кітапхана қыз­мет­керлерінің ұ­й­ымдастыруымен салт-дәстүр мен отбасы тақырыбы бойынша кітап көрмелерін жә­не ұмытылып бара жатқан салт-дәс­түрлерді қайта жаң­ғыр­ту мақсатында көріністер көр­се­тілді. Шымкент қаласында Отба­сы күніне орай­ластырылған кезде­су «Отырар» об­л­ыстық ғылыми-әм­бе­бап кітап­ха­на­сын­да өте мазмұнды өт­ті. Кездесуге ар­­найы шақырылған ғылы­ми-әмбебап кітап­ха­наның директоры К.Айдарбекова, Об­лыстық әдет-ғұ­рып және салт-дәстүр орталығының ди­рек­торы Ж.Тағаев және аталмыш орта­лықтың қызметкерлері, облыстық дін іст­ері басқармасының Дін мәселелерін зерт­теу орталығының маманы Ұ.Али­ак­барұлы, Облыстық әйелдер кеңе­сі­нің төрайымы Б.Жандосова, психолог Г.Малғайдарова сөз алып, отбасы және оның құндылықтары мәселесін діни, әлеуметтік-экономикалық, саяси және психологиялық тұрғыдан жан-жақты талқылады. Аудан, қалаларда өткен кездесулерге жергілікті тұрғындар, оқырмандар, студенттер мен оқушылар, жас және көп балалы отбасылар қатысып, өз ойларымен бөлісіп, пікір алмасты.

Ардагерлер кеңесі, Әжелер алқасы мү­шелері, мұғалімдер мен ардақты аналар тәр­бие жөнінде тәжірибелерімен бөлісіп, жастарға батасын берді. Бірнеше жылдан бері «Ғаламат» қоғамдық бірлестігі дайындап түсірген бейнероликтер мен бейнефильмдер көпшілікке ұсынылып талқыланды. Бейнефильм кейіпкерлері кездесуге арнайы шақырылып сөз сөйлеп, ата-бабамыздан келе жатқан салт-дәстүрімізді, әдеп-ғұрпымызды ұмытпауға, наси­хат­тауға шақырды.

Сонымен қатар жоба аясында «Оты­рар» телеарнасы студиясында Об­­лыс­­тық әйелдер кеңесі, «Арулар» әйел­дер клуб мүшелері, БАҚ өкілдері мен жастардың қатысуымен «Берік отбасы – күшті мемлекет» атты телебаян түсірілді. Бас­қо­суға өңіріміздегі үлгілі отбасылар шақы­ры­лып, бақытты отбасын құру және сақ­тау мәселесі төңірегінде бағыт-бағдар беріп, кеңестерін ұсынды. Педагогтар әулеті Ибашевтар, спортшылар әулеті Төлегеновтер отбасындағы өмірлік тә­жі­­рибелері жайында әңгімелеп, бала тәр­биесіндегі өзіндік ерекшеліктерімен бө­лісті.

Жоба аясында «Жақсы дәстүр – от­ба­сының тірегі» атты ақпараттық-әдіс­темелік кітапша шығарылған. Кі­тап­ша іс-шараға қатысушылар мен об­лы­сы­мыз­дағы кітапханаларға таратылды. Осы тақырыпта Шымкент қаласының үл­­кен көшелері бойларында 2 билборд ілін­­ді. Ұмытылып бара жатқан салт-дәс­түр, әдет-ғұрыптарымызды насихаттау ба­ғы­тында 2 бейнеролик даярланып жер­гі­лікті теларнадан көрсетілді. От­ба­сы­лық та­қырыпта Тассай елді мекенінің тұр­ғындары Құдайбергеновтер әулеті ту­ралы бейнефильм түсірілді. Жоба бойын­ша сенім телефоны қызмет атқарады. Бү­гін­гі таңда сенім телефонына 50-ден аса от­басылық жағдай бойынша сұрақтар келіп түскен.

Келіп түскен сұрақтарға ар­найы белгіленген маман жауап беруде. Былтырғы жылы сенім телефонына тек облыс тұрғындары қоңырау шалса, қа­зірде еліміздің басқа да өңірлерінен сұ­рақтар мен ұсыныстар түсуде. Сенім телефоны арқылы тіркелген мәселелер республикалық «Қызмет» газетінде жарияланып отырады. Бұл атқарылып жатқан іс-шаралардың негізгі мақсаты қазақ халқының тарихы, мәдениеті мен ұлттық салт-дәстүрлерін және әдет-ғұрыптарын, қазақстандық қо­ғам­да отбасы институтының құнды­лық­тарын кеңінен насихаттау болып табылады.

Дана МАМАНОВА,

«Ғаламат» қоғамдық

бірлестігінің төрайымы

Оңтүстік Қазақстан облысы