Ұлттық спорт • 25 Қараша, 2017

Алматы облысында «Сонар – 2017» халықаралық құсбегілер жарысы өтіп жатыр

252 реткөрсетілді

Бүгін Алматы облысы Талдықорған қаласы маңындағы Сырымбет ауылында «Жалайыр Шора» құсбегілік мектебінің құрылғанына 30 жыл толуына орай «Сонар – 2017» халықаралық қансонар өтіп жатыр, деп хабарлайды egemen.kz тілшісі.

Айтулы шараға 48 бүркіт, 4 қаршыға, 4 ителгі қатысуда. Қытайдан 3, Моңғолиядан 2 бүркітші келсе, қалғаны Қазақстанның түкпір-түкпірінен келді. 

Кеше қансонардың қолға шақыру, шырғаға түсіру бөлімі өтіп, одан іріктеліп шыққан қырандар бүгін қоянға салу бойынша бəсекеге түсті. Нəтижеде 7 бүркіт финалға шығып, ертең жарыстың түлкіге салу бөлімінде бақ сынасады. Ал, қаршыға жəне ителгі қырандары өз алдарына жеке-жеке жарысқа түседі. Өйткені, қаршыға кептерді шеңгелдей сығып ұстаса, ителгі тепкінмен алады. Сондықтан да қаршыға мен ителгі бөлек жарысқа түсіп отыр. Сондай-ақ, бұл сонарда тек бүркітшілер арасында тұңғыш рет асау үйрету, теңге ілу, қызқуу, садақ ату, аударыспақ, көкпар тарту бойынша жарыс өткізілуде. Бұған дәстүрлі ән мен күй сайсы да қосылып отыр.

Елбасының «Болашаққа бағдар: рухани жаңғыру» мақаласында алға қойылған мақсаттарды жүзеге асыру негізінде өтіп жатқан сонарды Қазақстан Республикасы Мəдениет жəне спорт минстрлігі Спорт жəне дене шынықтыру комитетінің, Ұлттық спорт түрлері қауымдастығының және «Қансонар» аңшылардың қоғамдық бірлестіктері мен аңшылық шаруашылығы субъектілерінің республикалық қауымдастығының қолдауымен Алматы облыстық туризм, дене шынықтыру жəне спорт басқармасы мен «Қыран» федерациясы ұйымдастырып отыр.

Сонардың ашылуында мемлекет жəне қоғам қайраткерлері, ұлттық спорт қамқоршылары Оралбай Əбдікəрім, Қанат Ахметов, алашшыл ақын, «Дəстүр» журналының бас редакторы Қасымхан Бегманов жəне «Жалайыр Шора» құсбегілік мектебінің іргетасының қалануынан бастап басы-қасында жүрген, бүгінде аталмыш мектептің жетекшісі, ұлтымыздың құсбегілік өнерінің қайта жаңғырып, дамуына еселі еңбек сіңіріп келе жатқан қазақтың қайраткер қызы, «Қыран» федерациясының атқарушы директоры Бағдат Мүптекеқызы сөз сөйлеп, қатысушыларға сəттілік тіледі.

Қандыбалақ қырандардың қызықты жарысы ертең аяқталады.

Ұларбек НҰРҒАЛЫМҰЛЫ,

«Егемен Қазақстан».

Алматы облысы, Сырымбет ауылы

Баннер
Соңғы жаңалықтар

Тойтөбеге  саяхат 

Аймақтар • Кеше

Ай соңына дейін жұмысын аяқтайды

Аймақтар • 19 Шілде, 2019

Арыс балалары Бөбекте демалады

Аймақтар • 19 Шілде, 2019

Қарсыласы қарымды

Кәсіпқой бокс • 19 Шілде, 2019

Полицей сәбиді құтқарып қалды

Аймақтар • 19 Шілде, 2019

Тандыр наннан шеге шықты

Аймақтар • 19 Шілде, 2019

Аптап ыстықта өрт көбеюі мүмкін

Аймақтар • 19 Шілде, 2019

Игі істің игілігін көруде

Аймақтар • 19 Шілде, 2019

«Жәрдем» жобасының жәрдемі

Аймақтар • 19 Шілде, 2019

Әкімдерге бағаны халық беруі керек

Қазақстан • 19 Шілде, 2019

Жер құнарын жақсарту қажет

Қазақстан • 19 Шілде, 2019

«Jastar kerýeni» жолға шығады

Аймақтар • 19 Шілде, 2019

Жаңа мүмкіндіктерге жол ашады

Қазақстан • 19 Шілде, 2019

Ұқсас жаңалықтар