«Газель» мен тепловоз соқтығысқан жол апаты Маңғыстау жол бөлігінің Өзен-Болашақ теміржол өткелінде болған. «Газель» көлігінде 36 жолаушы болған, деп жазады inform.kz. Тепловоз машинисі 60 км/сағ жылдамдықпен келе жатып жолдағы автокөлікті көріп тежегішті шұғыл басады. Алайда, қарқынды жылдамдықпен келе жатқан тепловоздың тоқтауға мүмкіндігі болмайды.
Маңғыстау облыстық ІІД баспасөз қызметінің хабарлауынша, қазір көз жұмғандар мен зардап шеккендердің кім екендігі анықталып жатыр.
«Қазіргі таңда ҚР ҚК 345-бабы бойынша сотқа дейінгі тергеу амалдары жүріп жатыр. Тергеу мүддесіне байланысты басқа ақпарат бере алмаймыз», - деді облыстық ІІД баспасөз қызметінің басшысы Жазира Әбіл.
