Асқар тауға көлеңке түспейді

Тәуелсіздіктің тарихы мен тағдыры Елбасының  тарихы мен тағдыры болып қалыптасты 

Егемен Қазақстан
14.12.2017 1791
2

Тәуелсіздік және Елбасы! Бұл қос ұғымды біз бір-бірінен бүгінгі күні де, Мәңгілік елдің мәңгілік тарихынан да ешқашан бөле-жара қарай алмасымыз анық. Өйткені Елбасы ел тәуелсіздігінің 26 жылында қазақ елін бір ғасырдың еншісіне де сия қоймастай тарихи жолдан алып өтсе, Қазақ елі дүниенің төрт бұрышына ең әуелі Назарбаев есімімен, Назарбаев келбетімен танылды. Назарбаев Қазақ елі үшін әлемге, ғарышқа, болашаққа жол ашып берді. Ақиқаты да осы! 

Туған еліміздің мерейі өсіп, абыройы тасқанын көруден артық қуаныш та, бақыт та жоқ болар бәлкім! Және де сол мерей мен сол абырой әлемдік деңгей мен әлемдік дәрежеде болып жатса, бұл дегеніңіз күні кеше ғана отар болған Отаныңның бағы жанғандығы деу керек. Отар болған да жалғыз біз емес едік. Әлем алдында абыройлы боламыз деп ұмтылғандар да жалғыз біз емес едік. Әрине бүгінгі заманның өлшемімен жиырма алты жыл дегеніңіз тарих үшін қас-қағымдық бір ғана сәт те болар. Алайда сол тарихтың осы бір аса қысқа мерзімінде Қазақстанның әлемдік және халықаралық аренадағы орны, беделі мен абыройы дүние құрлығындағы талайғы бір ертеден қалыптасып, ертеден қуатты мемлекет болып орныққан елдерден кем түсіп отырған жоқ. Тағы да бір ақиқат осы!

Біз тәуелсіздікті Кеңес өкіметінен қалған ауыр зардаптарымен қабылдап алып едік. Әлемнің алтыдан бір бөлігін алып жатқан Кеңес Одағы ыдыраған тұстағы Қазақстанның экономикалық та, әлеуметтік жағдайы да аса қиын болды. Мұны көз көрді. Дүкен сөрелері бос қалып жатты. Жаппай жұмыссыздық жайлады. Өзге дүниені қойып, қара сабын іздеп сабылдық. Міне, сол жоқшылық пен таршылық, айнала төңіректегі қарулы қақтығыстар мен берекесіздік жайлап бара жатқан тұста, «осы біз қазақ өз бетімізбен ел бола аламыз ба екен?» деген күдік пен күмән де кеулеп, соны ойласаң болды, ұйқың шайдай ашылар алакөңіл шақта Нұрсұлтан Назарбаев тәуелсіздікті тұғыр етіп, тарих сахнасына шықты. 

Назарбаев нені де болса елімен бірге көрді, елімен бірге төзді, елімен бірге жеңді. Тұтас бір елдің, тұтас бір халықтың ғасырлар бойы армандап келген сол тәуелсіздігін өзі жариялап, сол тәуелсіздіктің көк байрағын өз қолымен тұңғыш көтерген Қазақстан Республикасының Тұңғыш Президенті Нұрсұлтан Әбішұлы Назарбаев сынды тарихи тұлғаның ерлігі мен ұлылығын тану және сол жайында айта да білу қажет енді. Бұл – бізге сын! 
Кешегі күні Алматы қаласын­дағы бұрынғы Фурманов көшесі­нің «Нұрсұлтан Назарбаев даңғылы» болып аталуы және де Астана әуежайының «Нұрсұлтан Назарбаев әуежайы» болуы да халқымыздың өз ұланын ұлықтай білер, өзінің ұлы перзентін хан көтере білер дана қасиетінің айғағындай болып, көңілге орнықты. Өйткені Қазақ­стан Президенті Н.Ә.Назарбаевтың есімі алғаш рет осыдан 10 жыл бұрын Иордан Корольдігінің Амман қаласын­да және Ресей Федерациясын­дағы Чешен Республикасының астанасы Грозный қаласындағы бір-бір көшелерге берілген болатын. Сондай-ақ Елбасы атындағы көшелер Түркиядағы бірнеше қалада, Татарстандағы Қазан қаласында да бар. Міне, Елбасын, қазақтың бір ұланын жат жұрттықтар бізден бұрын ұлық­тап жатса, бұған сүйсінейік те және де ал­дағы уақытта Қазақстанның әр облыс­тарының орталықтарында да бір-бірден «Нұрсұлтан Назарбаев» даңғылы болып жатса, бұл да елдігіміздің биік бір парасат пайымы болар еді.

Ұлтаралық қарама-қайшылықтар мен түрлі көзқарастарды ортақ бір мүддеге – татулық пен бірлік мүддесіне тоғыстыра білген Назарбаев саясатын әлем мойындады. Бұл да Қазақ елінің абыройы. Н.Назарбаевтың осы бір сая­сатын әлемнің мойындағандығының бір көрінісі мынау болса керек. 2014 жылдың 24 наурызы күні Еуропаның төріндегі Гаага қаласында Қазақстан Президенті Нұрсұлтан Назарбаевқа дүбірлі дүниенің бүгінгідей дүрлігіп тұрған шағында қырмызы қызғалдақтың «Президент Назарбаев» деп аталатын жаңа түрі таныстырылды. Қырдың топырағынан нәр алды дейтін сол қырмызы қызғалдақтың нәзіктігіндей адам үміті де Нұрсұлтан Назарбаевтың есімімен бүр жарған-ды. Ал енді 2016 жылы Елбасының Жапонияға сапары барысында таныстырылған «Президент Назарбаев» хризантема гүлі бертін «Мәртебелі» атағына ие болды. «Президент Назарбаев» хризантемасы сары түйнекті гүл екен. Ал сары хризантема Жапонияның символы болып табылады және император тағы мен осы ел азаматтарының ұлттық паспорттарын әшекелейтін мемлекеттік гербін білдіреді және де хризантема гүліне бұған дейін бірде-бір мемлекет басшыларының есімдері берілмегендігін ескерсек, Еуропаның «Президент Назарбаев» қызғалдағы мен Күншығыс елінің «Президент Назарбаев» хризантемасы қазақ перзенті, біздің Елбасына деген тұтас әлемнің құрметі мен сыйы деп білгеніміз абзал. 

Әлем көне тарихтың беттерінен мәңгі өшпейтін тағы бір тарихи оқи­ғаны біледі. 2010 жылдың желтоқ­сан айының 1-2-сі күндері Еуропа­дағы қауіпсіздік және ынтымақтастық ұйымының Астана саммитін өткізу арқылы Нұрсұлтан Назарбаев ұзақ жылдар бойы үні шықпай келе жатқан осы ұйымының беделін сақтап қала алды және осы ұйымның тоқтап қалу­дың аз-ақ алдында тұрған жүрегіне нәр беріп, Еуроатлантика және Еуразия кеңістігінде сенім мен бірлікті орнықтырудың тағы бір маңызды қадамына жол ашты. Осылайша дүбірлі де дау-дамайлы, қарулы қақтығысы да дүние тіршілігінің жүйкесін жұқартып тұрған әлемнің бүгінгі дамуына Назарбаев сынды адам баласы­ның жаңаша әрі жауапты көзқарасы қажеттілігін адал ниетті, адал ойлы адамзат баласы терең түсініп те отыр. Әрине ол үшін жұдырықтай жүрегіңе тұтас әлемді, барлық адамзат мүддесін қазақ Президентіндей сыйғыза білу де қажет еді.

Адамзат мүддесі демекші, Нұрсұлтан Назарбаевтың осы күнгі әлемдік дау-жанжалдарды, қарулы қақ­тығыстарды бейбіт жолмен, келіс­сөз­дер арқылы реттеу жолындағы бітім­гершілік саясатын тағы да әлем жоғары бағалай білді. Бүгінгі әлем­нің тынысын тарылтып, қызуын көтеріп тұрған Сириядағы жағдайды бейбіт жолмен реттеу бағытындағы түрлі көзқарасты жақтардың Астана қаласында кездесулері бұл мәселедегі Таяу Шығыстың қатып қалған тоңын жібітіп, бұрын қарудың тілімен ғана сөйлесіп келгендердің енді адами парасаттылық тілімен, дипломатиялық тілмен сөйлесулерін бастап берді.

Бізге Тәңір иесі дүбірлі дәуір­дің отты шағындағы мемлекеттер мен құрылықтардың, ғасырлар тоғысындағы жер шары мен дүниенің тыныштығы, жер-жаһанның саулығы, Адамзаттың амандығы, ең бастысы, қазақ баласының бағы үшін кемел кемеңгерлікпен әрдайым алаңдаумен күн кешіп келе жатқан Қазақстан Президенті Нұрсұлтан Назарбаев сынды адал ұлды, алғыр да ойлы саясатшыны сыйлады. 

Елбасының тәуелсіздік жылдары атқарған еңбегінің аясы мен ауқымы қазақ тарихының өткен кезеңдері мен дәуірінің ешбір өлшеміне сыймастығын және де ғасырлық мұраттардың жүзеге аса бастағандығын тағы бір ойға ала отырып, Нұрсұлтан Назарбаевтың өз жүрегіне сыйған тұтас әлемді өз елі мен халқына деген шексіз сүйіспеншілігінің белгісіндей етіп қасиетті қазақ жеріне, өз даласына қондырып Астана қаласын салып орнықтыра білгендігі Мәңгілік ерлігінің бәйтерегі болып мәңгі жасары да анық. 

ХХ ғасырдың соңғы он жыл­дығы­ның дүниесi өзгерiп, саяси жү­йесi әлi қалыптасып болмай жат­қан өлiара тұста Қазақстан сияқты алып елдiң жаңа астанасын жаңа орын­ға көшiрiп алып келiп, Нұрсұлтан Назарбаевтың Есілдің бойына ел қонды­рып, алғашқы қазығынан бастап өзі қағып, бүгінгі айдынды да айбынды Ақордалы Астананы дүние әкелгендігі біздің, яғни Қазақ елінің Мәңгілік Ел бола алатындығын дәлелдеп, осыған ең әуелі өз жұртының да, одан қалды дүние жұртының да көздерін жеткізіп, иландыра білген ұлылығы еді. Және де тәуелсіздік жылдары айдай әлемнің бір-бір бөлшегін даламызға әкеліп орна­тып бере алған Елбасы бүгінгі Аста­наны салу арқылы барша қазақ жұр­тын егемендік жолында ерлік жасау­ға талпындырса, қазақ жұртын мойындатып, өз халқына айдай әлемді сүйсін­дірте білген тағы бір кемеңгерлігі мен ерлігі бол­ған­дығын айтқан ләзім. Осы бір ойлар тоғысында «Астана – Тәуел­сіз­дігі­міз­дің лүп-лүп соғып тұрған жүрегі!» және де «Астана – халқымыздың барлық ұлы мұраттарының Бәйтерек болып те­рең­г­е тартқан тамыры, жайқалған жапы­рағы!», – дегенді өз кезінде айтқан да болатын­быз. Бүгінгі Астананы өз басым Ел­басының қазақ баласы үшін соғып бер­ген ұлы Ескерткішіндей қабылдарым бар.

Біз тәуелсіздіктің алғашқы сәттері­нің куәгер ұрпақтарымыз. Қазақ елі тәуелсіздігінің жиырма алты жылдан бергі бар тарихы мен тағдыры да, жүріп келе жатқан жолы мен асқан асуы да, тар жол тайғақ кешуі де, дәуірлеп өсуі мен өркендеуі де біздің көз алдымызда болып жатыр. Біздің әрқайсымызға Жаратушы иеміз тәуелсіздік тарихын жасаушы да және соны жазушы да сыйын берді. Сол тарихи тәуелсіздіктің тағдыршешті кезеңдерінде Нұрсұлтан Назарбаев сынды Адамзаттың асып бір туған перзентін өз халқымыз­дың бағы деп бағалап, айбыны деп айта білсек етті. Асқар тауға ешқашан көлеңке түспейді.

Жабал ЕРҒАЛИЕВ,
жазушы-драматург, 
Қазақстанның еңбек сіңірген қайраткері 

КӨКШЕТАУ

СОҢҒЫ ЖАҢАЛЫҚТАР

17.01.2019

Асықтан төсеніш пен ойыншықтар жасайды

17.01.2019

Оралда «Автобус» жедел шарасы өтуде

17.01.2019

27 ақпан күні «Нұр Отан» партиясының кезекті XVIII съезі өтеді

17.01.2019

Жаңа әліпби негізіндегі қазақ тілі емлесінің ережелері

17.01.2019

Тікұшақ апатынан қайтыс болған ұшқыштың кім екені анықталды

17.01.2019

СІМ мен Ауылшаруашылық министрлігі инвестициялар мен экспорт бағытындағы үйлестіру жұмыстарын нығайтуда

17.01.2019

Жүзге жуық оқушы Wiki Camp акциясына қатысты

17.01.2019

Қорықшыларға қастандық жасағандар анықталды (видео)

17.01.2019

Үшінші мегаполистің төрт ауданында әкімдер тұрғындар алдында есеп берді

17.01.2019

4 мешітті ҚМДБ меншігіне өткізуде кедергілер бар

17.01.2019

Ақтөбелік жастар тұрғын үймен қамтамасыз етіледі

17.01.2019

Нұрлан Сейтімов Сыртқы істер министрлігінің Жауапты хатшысы болып тағайындалды

17.01.2019

Қостанайда тергеуші кісі тонаушыны қылмысы үстінде ұстады

17.01.2019

Алматыда Денис Теннің өліміне қатысты сот үкімі шықты

17.01.2019

Алматыда тікұшақ апатқа ұшырады

17.01.2019

Алғашқы медициналық санитарлық көмек қызметіне қатысты мәселелер талқыланды

17.01.2019

Сенат бірқатар үкіметаралық келісімді ратификациялады

17.01.2019

Алматыда Жүрсін Ерманның бес томдық шығармалар жинағының тұсаукесері өтеді

17.01.2019

2250 әскери қызметші жеңілдікпен пәтер сатып алды

17.01.2019

Жамбылда экономиканың барлық саласында 4-5 пайыз өсім бар

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

ҰҚСАС ЖАҢАЛЫҚТАР

Тағы да оқу

Пікір қосу