Білім • 14 Желтоқсан, 2017

Қабілеттілік кепілі хақында

367 рет
көрсетілді
4 мин
оқу үшін

Тәуелсіздік жылдарында білім саласын дамыту мақ­са­тында қыруар жұмыс атқа­рыл­ды. Еліміздің мың­даған жас азамат­тары әлемнің маңдай­ал­ды университеттерінде білім алды. Заманауи деңгейдегі, ха­лықаралық стандартқа сай уни­верситеттер, колледждер ашы­лып, зи­ят­керлік мектептер жүйесі қа­лып­тасты. Бір ғана мы­сал, Елбасы бастамасымен биыл «Баршаға ар­налған тегін кәсіптік-техникалық білім беру» жобасы іске асырыла бас­тады. Осылайша тегін оқы­тумен ең әуелі жұмыссыз жә­не өзін-өзі ти­імсіз жұмыспен қам­ты­ған жастар, сондай-ақ кә­сіп­тік білімі жоқ ересек адамдар қам­тылды. Біз­дің Жоғары жаңа тех­нологиялар колледжіміз де Тәу­елсіздік жылдары білім беру саласында өзін­дік орнын қа­лыптастырып, сұранысқа ие ма­ман­дар даярлауға бағыт алды.

Қабілеттілік кепілі хақында

Ұлы ғұлама Әбу Насыр әл-Фараби баба­мыз­дың «Тәрбиесіз берілген білім – адамзаттың қас жауы» қағидасын берік ұста­на­тын Шымкент қа­ла­сын­да­ғы Жоғары жаңа технология­лар колле­джі әрбір жылды тәр­бие тақырыбына арнап, түр­лі іс-шаралар өткізуді дәстүрге айналдырған. Атап айтсақ, колледжде 2014 жылды «Мәдениет жы­лы» деп жариялап, соның шеңберінде көп­теген мәдени шаралар ұйымдастырылды. Та­рих­ты тереңнен тану, өткенімізді зерделеп, ұр­пақтың санасына сіңіру қашанда маңызын жой­маған мәселе. «Өз тарихын білмеген ұлттың бо­лашағы да бұлыңғыр» тақырыбында Елбасы бастамасымен Қазақ хан­ды­ғының 550 жылдық мерейтойын мемлекеттік деңгейде атап өту идеясына сай, 2015 жыл колледжде «Тарих жылы» болып жарияланды. Бұл жылы да тақырыпқа сай маңызды шаралар, аймақтық кон­ференция, шығармалар бай­қауы ұйымдастырылды. Жас­тарға эсте­тикалық, әсемдік, ру­хани құн­ды­лық­тарды ақын-жа­зу­шылардың шы­ғар­малары ар­­қылы тәрбие бере отырып, елдікті, ұлттық құн­дылықтарды қастерлеуге, туған елін, тілін, әде­­би­еті мен мәдениетін сүюге, олар­ды кітап оқу­ға, көркемсөз өне­рі­не бау­лу мақсатында жә­не ел Тәу­ел­сіз­дігінің 25 жылдығына орай, 2016 жыл колледжде «Кітап жылы» болып жариялан­ды. Алғашқы іс-шара М.Әуезовтің әлемге әй­гілі «Абай жолы» роман-эпопеясын ұжымдық тал­қылаудан бастау алды. «Кітап жылында» Тәу­ел­сіздігіміздің 25 жылдығына орайластырып, колледж ұжымының үйлестіруімен 25 мәдени іс-шара өтті. 

Ал, биылғы жылдағы іс-шаралар рухани жаңғырумен тікелей байла­ныстырылып отыр. Елба­сы­ның «Болашаққа бағ­дар: рухани жаңғыру» атты бағ­дарламалық мақа­ла­сы – ширек ғасырды артқа тастаған Тәуелсіз Қазақстанның жаһандану дәуі­рін­дегі рухани кеңістігінің жаңа бас­тауы. Елбасы Нұрсұлтан Назарбаевтың бұл ма­қаласы ел дамуының жарқын үлгісі мен нақты қа­дамдарын көрсететін келелі ой, салиқалы пікір, ба­тыл шешімдерге құрылған ма­ңызды құжат. «Ұлт­тық код, ұлт­тық мәдениет сақталмаса, еш­­қандай жаңғыру болмайды». Ұлт­­тық жадыны жаң­ғырту рухани құлдықтан арылуға бас­тайды. Бұл бағытта Мемлекет басшысының мемлекеттік тіл­ді латын графикасына көшіруді Жар­лықпен бе­­кітуі Тәуелсіз елі­міздің бақытты болашағы мен алаң­сыз келешегі үшін жаса­лып жатқан жұ­мыс. Бұл қазақ тілі­нің әлемдік өркениет ке­ңіс­тігіне шы­ғуына, жаңа геосаяси жағдайдағы оның қол­да­нылу аясын кеңейтуге және ғылыми-тех­ни­калық прогресте жетістіктерге жетуге үлкен мүмкіндіктер бере­тініне сенімдіміз.
Президент: «Жаңғыру атаулы бұрынғыдай тарихи тәжірибе мен ұлттық дәстүрлерге шекеден қарамауға тиіс. Керісінше, замана сынынан сүрінбей өткен озық дәстүрлерді табыс­ты жаңғырудың маңызды ал­ғышарттарына айналдыра бі­лу қажет. Егер жаңғыру ел­дің ұлттық-рухани тамырынан нәр ала алмаса, ол адасуға бас­тайды. Сонымен бірге рухани жаңғыру ұлт­­тық са­наның түрлі полюстерін қиыннан қи­ыс­ты­рып, жа­растыра алатын құдіретімен ма­ңыз­ды», деп ру­хани жаңғырудың негізгі қызметі мен ерек­­ше­ліктерін атап көрсетті. Елбасының ру­хани жаң­ғыруға, білім-ғылымға маңыз беруі – үл­кен кө­регендік, ұлттың алға ілгерілеуін жылдам қар­қынмен жылжытатын қозғаушы күш. Бұл ретте Тұңғыш Президентіміз тұтас қоғамның және әрбір қазақ­стандықтың санасын жаң­ғыр­тудың ал­ты бағытын белгілеп бер­ді. Олардың бәрі ба­рынша өзек­тендірілген және уақыттың талап­та­рына нақты жауап береді. «Мәңгілік ел» болу­ымыз үшін бізге ауадай қажетті қасиеттер мен құн­дылықтардың қайнары то­ғысып, ақыл-парасаты толыс­қан, ғаламдық ғылымды игерген адам­дар көп болса, еліміз өрке­ни­етті, бәсекеге қа­бі­летті болаты­ны ақиқат. 

Қанатбек ДОСАЛИЕВ,
Жоғары жаңа технологиялар 
колледжінің директоры

Оңтүстік Қазақстан облысы