Қазақстан • 02 Қаңтар, 2018

ЭКСПО кезінде таныстырылған технологиялар Астанада қолданылады

433 рет
көрсетілді
1 мин
оқу үшін

Астана әкімдігі ЭКСПО көрмесінде таныстырылған 9 елдің 16 жобасын бас қалада қолданысқа енгізуге таңдап алған, деп хабарлайды Астана қаласы әкімдігінің медиа орталығы.

ЭКСПО кезінде таныстырылған технологиялар Астанада қолданылады

Фото: Ерлан ОМАРОВ, "Егемен Қазақстан"

Энергия үнемдеу туралы мәселелер Астана әкімдігінің басты назарында. «Жылу ағындарын басқару» бағдарламасын жобалау басталды және 2017 жылы «Ақылды жарық» бағдарламасы іске қосылды.

МЖӘ тетігі есебінен және американдық ТҰК қатысуымен «ақылды» интернет құра отырып шетелдік инвестицияларды тарту арқылы 30 мыңнан астам шамды ауыстыру жоспарлануда. Бұл электр энергиясын тұтынуды екі есеге төмендетеді немесе жылына 600 миллион теңге үнемдеуге мүмкіндік береді

 «2017 жылы «Бәйтерек», «Жаңажол» және «Тұран» қосалқы станциясын салу іске қосылған, олар жаңа темір жол вокзалын, Достық ауылын, Ұлттық ғылыми онкологиялық орталығын, Назарбаев Университетін, ЭКСПО аумағын, театр, Ботаникалық бақты, қалалық сотты, «Жасыл орам» ТК,  апатты жағдайдағы үйлерді сүру бағдарламасы бойынша салынған үйлерді, «Батығай» ауданын, бірқатар әлеуметтік нысандарды электр қуатымен қамтамасыз етіп отыр», - деп хабарлады Астана әкімдігі.

Сондай-ақ, қалалық биліктің ақпараты бойынша,  «Әуежай – Сол жағалау»,  Астананың жаңа коммуналдық базары жобаларын іске асыру бойынша энергиямен жабдықтау, «Қазбек» және «Самал» қосалқы станциясын салу жүреді.