Білім • 04 Қаңтар, 2018

Ұстаздар қауымының еңбегін танытқан кітап

630 рет
көрсетілді
1 мин
оқу үшін

Жақында ұстаздар қауымының еңбегін танытқан кітап жарық көріп, жұрттың қолына тиді. Көлемді дүние «Ұстазға тағзым» деп аталады. 

Ұстаздар қауымының еңбегін танытқан кітап

Жинақтың алғысөзін белгілі мемлекет және қоғам қайраткері Шәмша Беркімбаева жазыпты. Абай өсиет етіп кеткен «толық адамды» қалыптастыратын, үлгілі де тәрбиелі етіп шығаратын ұстаз екенін айтып, М.Әуезовтің ұстаз «ұлы есім» дегенін алға тартады. 

Ұстаздар кітабында 130-ға таяу ұрпаққа білім берген аяулы жандардың өмір жолы, жеткен жетістігі, алға қойған мақсаттары баяндалады. Са­бақ берудегі әдіс-тәсілдері де назардан тыс қалмаған. Аста­на ұстаздарының арасынан шық­қан «Ыбырай Алтын­са­рин» төсбелгісі иегерлері молы­нан қамтылған екен. Тек қазақ мектептерінің ұстаздары ғана емес, орыс мектептерінде қыз­мет жасап жүрген үлгілі де­ өнегелі азаматтардың өмір жо­лы да қамтылыпты. Бір сөзбен айтқан­да, ұстаздар қауымы туралы жинақтан алар тағылым, мәлімет аз емес. Төрт жүз беттен аса жинақты құрастырып, өз қар­жысымен шығарған, бүкіл санал­ы ғұмырын білім беру саласына арнаған Қазақстанның білім беру ісінің құрметті қызметкері, «Құрмет Белгісі» орденінің иегері Оспан Сүлейменұлы екенін айта кеткеніміз абзал.

Сүлеймен МӘМЕТ,
«Егемен Қазақстан»