«010, 020, 090-ға дейінгі және 077, 707 автокөлік нөмірлері элиталық санатқа жатады. Әрқайсысының бағасы 57 айлық есептік көрсеткішке тең», дейді арнайы мамандандырылған халыққа қызмет көрсету орталығының қызметкерлері.
Бір айлық есептік көрсеткіш 2405 теңгені құрайтынын ескерсек, сатылым құны 137085 теңге болады екен.
Тіркеу бөлімі бастығының орынбасары Бекен Тайгиловтың айтуынша, өтінім беруші нөмірлер сандары ғана емес, әріптерінің де бірдей болуын қаласа, тағы да 57 айлық есептік көрсеткіш үстемелетін көрінеді. Ал, 001-ден 009-ға дейінгі және 777 нөмірлердің бағасы жарты миллион теңгеден асып жығылады. Қарапайып нөмірлер 6730 теңгеге парапар.
Өткен жылы жоғары сұранысқа ие 64 жұпа втокөлік нөмірлері сатылса, биыл бұдан бір мысқал да кемімейтін секілді.
Өмір Есқали,
«Егемен Қазақстан».
Солтүстік Қазақстан облысы.
