Аймақтар • 11 Қаңтар, 2018

«Ақтау серпіні» әлеуметтік жобасының таныстырлымы өтті

343 рет
көрсетілді
2 мин
оқу үшін

Мемлекет басшысы Н.Назарбаевтың «Қазақстанның үшінші жаңғыруы: жаһандық бәсекеге қабілеттілік» Жолдауына сәйкес еліміздің барлық облыс орталығында, соның ішінде Ақтау қаласында ауқымды істер атқарылды.

«Ақтау серпіні» әлеуметтік жобасының таныстырлымы өтті

Осыған орай, Маңғыстау облысының әкімі Е.Л.Тоғжанов, сонымен қатар, облыс әкімінің орынбасарлары, мемлекеттік мекеме басшылары, қала ардагерлері, белсенді жастар мен БАҚ өкілдері алдында Ақтау қаласының әкімі Ғ.М.Ниязов әлеуметтік даму бойынша «Ақтау Серпіні» атты жаңа жобаны таныстырды.

Жоба мақсаты – қала тұрғындарының өмір сапасын заман талаптарына сай жақсарту, тұрақты экономикалық даму, бәсекеге қабілеттілікті қамтамасыз ету.

Аталған жоба негізгі 4 стратегиялық бағытқа басымдық беріп отыр.

Бірінші, адами капиталды дамыту. Соның ішінде: білім беру, денсаулық сақтау, дене шынықтыру және спорт салаларын жақсарту;

Екінші, қалада тіршілік ету ортасын сапалық тұрғыдан жақсарту. Транспорт, тұрғын үй проблемаларын шешу. Аумақтарды және инфрақұрылымдарды дамыту.

Үшінші, қаланың бәсекелестік мүмкіндіктерін пайдалану. Инновациялық технологияларды, жаңа өндіріс орындарын енгізу.

Төртінші, «Ақылды қала» элементтерін енгізу, қайырымдылықты қолдау, мемлекеттік қызметтердің сапасын жақсарту арқылы басқарудың тиімділігін арттыру.

Облыс әкімі өз сөзінде Ақтау мен облыстағы барлық жаңа жобаны Елбасы Нұрсұлтан Назарбаевтың жаңа жолдауында айтылған бағыттарға сәйкес қарастыру керектігін айтты.

Елбасы Нұрсұлта Назарбаев «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауында индустрияландыру жаңа технологияларды енгізудің көшбасшысына айналдыру, ресурстық әлеуетті одан әрі дамыту.

 «Ақылды технологиялар» – агроөнеркәсіп кешенін қарқынды дамыту,

көлік-логистика инфрақұрылымының тиімділігін арттыру, құрылысқа және коммуналдық секторға заманауи технологияларды енгізу,

қаржы секторын «қайта жаңғырту», адами капитал – жаңғыру негізі, тиімді мемлекеттік басқару, жемқорлықпен күрес және заңның үстемдігі,

«Ақылды қалалар» «ақылды ұлт» үшін секілді бірнеше нақты бағытты атап өтті.

Бұл 10 бағыттың бәрі де Ақтау қаласына тікелей қатысты. Еліміздің саяси тұрақтылығы мен жалпы қоғамдық келісімдік бағытын одан әрі нығайту үшін, сөз жоқ, алдымен экономикалық мәселелер мен қазіргі қоғамдағы нақты әлеуметтік сұрақтарды бірге қарастырып шешуіміз қажет. Осыған байланысты қала әкіміне бірнеше тапсырма жүктелді. Қаланың бас жоспарын қайта қарастыруы керек», - деді облыс әкімі Ералы Тоғжанов.

Гүлайым ШЫНТЕМІРҚЫЗЫ,

«Егемен Қазақстан».

 Маңғыстау облысы