Онда Төртінші өнеркәсіптік революция дәуірінде қазіргі заманғы трендтермен шартталған тыныс-тіршіліктің барлық салаларын дамытудың өзекті мәселелері қамтылған.
Жолдаудың көптеген идеялары өткен жылы өткізілген конституциялық реформаның ережелерімен сабақтасады және олардың одан әрі іске асырылуы бір-бірін өзара толықтырып отыратын болады.
Президент мемлекеттік және өзге де құрылымдарды шоғырландыруы тиіс он шешуші міндетті белгіледі. Бұл: агроөнеркәсіп кешенін, құрылыс пен коммуналдық секторды кеңінен индустрияландыру және жаңғырту, көлік-логистикалық инфрақұрылымның, қаржы секторын «қайта жүктеудің» тиімділігін арттыру, адам капиталын дамыту, мемлекеттік басқарудың тиімділігін қамтамасыз ету, ауқымды цифрландыру жұмыстары және т.б.
Құқық аясында азаматтардың конституциялық құқықтары кепілдіктерін одан әрі нығайту, жер-жерлерде заңның үстемдігі қағидаттарын бекіту бойынша жұмыстарды одан әрі жалғастыруға деген Мемлекет басшысының тапсырмасын ерекше атап өткім келеді. Сыбайлас жемқорлыққа қарсы күрес аясында превентивті шаралар қабылдау қажеттігіне назар аударылды, ол өте маңызды. Құқық қорғау қызметі, әдеттегідей ізгілендіру, қоғамдық тәртіп пен қауіпсіздікті қамтамасыз етудің зияткерлік жүйесін енгізу, атап айтқанда, көшелерде және адамдар көп жиналатын орындарда бейнебақылау мен тану, жол қозғалысын бақылау бағытында дами беретін болады.
Мемлекет басшысының Жолдауы биылғы 10 қаңтарда Конституциялық Кеңестің арнайы отырысында талқыланды. Біз елдегі конституциялық заңдылықтың жай-күйі туралы Конституциялық Кеңестің жыл сайынғы жолдауының жобасын дайындау жөніндегі жұмысты бастадық, ол екінші тоқсанның соңында Парламент палаталарының бірлескен отырысында жарияланатын болады. Біз онда Елбасы тапсырмасын іске асыру бойынша, әсіресе адамның және азаматтың конституциялық құқықтары мен бостандықтарын қорғау мәселелері бойынша нақты ұсыныстар береміз.
Баршаңызды Қазақстан Президентінің Жолдауын насихаттауға және іске асыруға белсенді түрде атсалысуға шақырамыз. Конституциялық Кеңес өз өкілеттігі шегінде оны орындау үшін бар күшін салатын болады.
Қайрат МӘМИ,
Конституциялық Кеңес төрағасы
