Қазақстан • 06 Ақпан, 2018

Елбасы кітапханасында Мемлекет басшысының Жолдауы талқыланды

353 рет
көрсетілді
2 мин
оқу үшін

Қазақстан Республикасының Тұңғыш Президенті – Елбасы кітапханасында Мемлекет басшысының «Төртінші өнеркәсіптік революция жағдайындағы дамудың жаңа мүмкіндіктері» атты Жолдауының негізгі басымдықтары талқыланды. Дөңгелек үстелге еліміздің белгілі тарихшылары мен саясаттанушылары қатысты.  

Елбасы кітапханасында Мемлекет басшысының Жолдауы талқыланды

Жиынның модераторы ретін­д­е сөз бастаған Елбасы кітап­ханасы директорының орын­басары Әмірхан Рахымжанов Жолдауда айтылған білім берудің озық жүйесін құру мәселесіне айрықша тоқталды. «Мектепке дейінгі білім беру жүйесінен бас­тап жоғары білім беру жүйесіне дейінгі бағдарламалардың мақ­саты – өзгерістерге бейім болу және жаңа білімді меңгере білу қа­бі­леттерін дамыту болып отыр. Демек, Жолдауда көз­деліп отырған жаңа білім беру жүйе­сін инвестициялық жобалары мен экспорттық әлеуеті бар экон­о­миканың бір саласы деп қарас­тыруға болады», деді ол.

Басқосуда «Жастар» ғылыми-зерттеу орталығы директорының ғылым жөніндегі орынбасары Ә.Қайдарова, Әлемдік эко­но­­мика және саясат институ­ты­ның жетекші сарапшысы А.Мұқышбаева, Елбасы кітап­ха­насы Ұйымдастыру қызме­тінің басшысы Ж.Қуанышев, Елба­сы кітапханасының жетек­ші ғылыми қызметкері С.Бердагулова, Қазақстан стратегиялық зерттеулер институты Әлеуметтік-экономикалық зерттеулер бөлімінің аға ғылыми қызметкері А.Альшанская Жол­дау басымдықтарының маңыз­ды­лығы жөнінде баяндама оқыды.

– Мемлекет басшысы Жолдау­да адами капиталды дамыту мәселесіне зор көңіл бөлді. Оны қалыптастыру алғышарт­тарының бірі – сапалы білім беру жүйесін құру. Демек, негізгі өзгерістер педагогтар мен жастар қауымына байланысты болуы тиіс. Олар – жаңа Қазақстан қоғамын қалыптастырудың негізгі факторы, – деді Мемлекет тарихы институты директорының орынбасары Амангелді Қашқымбаев.

Сонымен қатар жиын барысында Елбасы кітапхана­сы ди­рек­­­торының орынбасар­­лары Т.Шаймергенов және Б.Қа­йыпова құжаттың стратегия­лық маңыз­дылығына кеңінен тоқталды.

Нұрлыбек ДОСЫБАЙ,
«Егемен Қазақстан»

Соңғы жаңалықтар