Нұрсұлтан Назарбаев цифрландыру мәселесін мектеп қабырғасынан бастап түсіндіру керектігін айтты

Үкімет отырысында Мемлекет басшысы Нұрсұлтан Назарбаев цифрландыру мәселелерін xалыққа кеңінен түсіндіруді жүктеді.

Егемен Қазақстан
09.02.2018 2083

«Дәурен Әскербекұлы (Ақпарат және коммуникациялар министрі - авт.), теледидарда, орталық және облыстық газеттерде цифрландыру бойынша арнайы айдарларды ашу қажет. Цифрландырудың нәтижесі қандай? Не істедік? Қандай жобаны іске асырдық? Жалпы, цифрландыру дегеніміз не? Былайша айтқанда, бізге жаппай оқыту шараларын қолға алу қажет пе?», - деді Н.Назарбаев.

Президенттің айтуынша, цифрландыру мәселесін мектеп қабырғасынан бастап кеңінен түсіндіру керек. Себебі қазіргі жастар болашақта осы жұмыспен тығыз айналысады. «Болашақта олардың барлығы осы салада жұмыс істейді. 2030 жылда мүлдем басқа экономика болады. Соған дайын болуымыз қажет. Қазір білім саласын ылғи сынайды. Реформалар көп дейді. Бірақ басқа амалымыз жоқ. Балалар өздігімен ойлап, шешім қабылдауға үйренуі керек. Бәрін жаттап алып, емтиxан тапсыра салу - ол кешегі заманның талабы. Сондықтан қазіргі цифрландыруды кеңінен түсіндіруіміз әрі үйретуіміз керек», - деп атап көрсетті Президент. 

Сонымен қатар Нұрсұлтан Назарбаев блокчейн технологияларын қолдана отырып, қосылған құн салығын жинау ақпараттық жүйесінің маңыздылығын атап өтті.

«Астана-1» өте маңызды. Жарты сағат уақытты 5 минутқа дейін қысқарту - бұл ЭДЫҰ-дан (Экономикалық даму және ынтымақтастық ұйымы - авт.) да мықты көрсеткіш. Блокчейн технологиясын нақты осы бағытта қолдану керек. Бақылау айқын болуы тиіс. Салықтың жиналуын 15-тен 25 пайызға жақсарту - бұл Қаржы министрлігі үшін өте маңызды», - деді Елбасы.

Қаржы министрі Бақыт Сұлтановтың атап өтуінше, осы жылдың тамыз айында блокчейн технологияларын қолдана отырып, қосылған құн салығын жинау бағытында жаңа ақпараттық жүйенің прототипін таныстыру көзделіп отыр. «Бүкіләлемдік банкпен бірлесіп, тауарға бақылау жасау бойынша ақпараттық жүйе жасалғалы жатыр», - деді министр. Қаржы министрінің келтірген ақпаратына сүйенсек, өткен жылы ЖІӨ-ге қатысты салық түсімінің азаю тренді тоқтатылып, көрсеткіш жақсара түскен.  

Сондай-ақ жиын барысында Нұрсұлтан Назарбаев Премьер-Министрдің орынбасары Ерболат Досаев пен Қаржы министрі Бақыт Сұлтановқа аталған бағыттағы жұмыстарды бақылауға алуды жүктеді.

«Мемлекеттік қарызды бір деңгейде ұстау керек. Осы бағыттағы жағдайға қадағалап отыруың керек. Қарызды ұлғайтпай, керісінше оны кемітудің қадамдарын Үкіметің табысымен орайластырып отыру қажет. Әртүрлі жағдайлар болады, сондықтан қажетті мүмкіндіктер болуы керек. Кейінгі кезде құрылысқа, жолдарға біраз көбірек алып жібердік», - деді Президент.

Естеріңізге сала кетсек, бүгін Қазақстан Президенті Нұрсұлтан Назарбаевтың төрағалымен ел Үкіметінің кеңейтілген мәжілісі өтіп жатыр. Отырыс барысында Үкімет басшысының, бірқатар министрлердің, облыс әкімдерінің баяндамалары тыңдалды.  

СОҢҒЫ ЖАҢАЛЫҚТАР

21.06.2018

Алматының әкімі стартап-компанияларының өкілдерімен кездесті

21.06.2018

Еуропа лигасындағы қарсыластар анықталды

21.06.2018

«Жетісу» газетінің жарық көргеніне бір ғасыр толды

21.06.2018

Джокович үлкен тенниске қайта оралды

21.06.2018

Тайсон келесі кездесуін тамызда өткізеді

21.06.2018

Уилшер «Арсеналмен» қоштасады

21.06.2018

«Егемен академиясының» бірінші маусымы сәтті аяқталды (видео)

21.06.2018

ӘЧ: «Неміс машинасы» атағын қорғай ала ма?

21.06.2018

ӘЧ: Тоналған фанаттар мен жаңарған рекордтар

21.06.2018

Астананың құрдастары: Мақсатым – ақылды адамдарға арналған ұйым құру (видео)

21.06.2018

Түркістан облысы - Зиялы қауым не дейді?

21.06.2018

Шетел басылымдары. Түркістанды бауырлас халықтар да қолдайды

21.06.2018

Түгел түркінің тілегі орындалған күн - Құлбек ЕРГӨБЕК

21.06.2018

Астанада көптілділікті дамытуға арналған жиын өтті

21.06.2018

Үздік мемлекеттік қызметкерлер анықталды

21.06.2018

Қаржы министрі Бақыт Сұлтанов халыққа есеп беру кездесуін өткізді

21.06.2018

Біздің мақсат – мемлекеттік қызметшілерді ынталандырудың жоғары деңгейіне қол жеткізу – А.Шпекбаев

21.06.2018

Ислам қолжазбалары зерттелуі тиіс

21.06.2018

Әйелдер кәсіпкерлігін қолдау қорын құру ұсынылды

21.06.2018

Цифрландыру – ел дамуының басты кепілі – А. Оспанов

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Ақты ақ, қараны қара деген ұтады -Александр ТАСБОЛАТ

Сұңғат ӘЛІПБАЙ, «Егемен Қазақстан»

Астық шығымы неге артпайды?

Кейінгі жылдары еліміздің егін шаруашылығы саласына келіп жатқан жаңа технологиялардың нәтижесінде мұндағы еңбек өнімділігінің өсе бас­тағаны белгілі. 

Дархан ҚЫДЫРӘЛІ, «Егемен Қазақстан»

Түркістан – тамырластық тұғыры

Түркістан екі дүние есігі ғой, Түркістан ер түріктің бесігі ғой, Тамаша Түркістандай жерде туған, Түріктің Тәңірі берген несібі ғой!

Жұмабай ШАШТАЙҰЛЫ, «Егемен Қазақстан»

Әр қазаққа қажет ұстаным

Қазіргі өмір барысына ой жіберіп қараған кезде ақыл-ойымыздың тереңдігіне малданып, сезімтал аңғарғыштығымызды артықшылыққа балайтын жөніміз бар ма? Аға ұрпақ санатына қосылған ендігінің ақсақалы біздер қазақ сөзіне әкелген жаңалығымыз, яғни бейнелі тіркес­теріміз кәне дегенге кесімді жауап беру қиын-ау. Ұлғайыңқы тартқан осынау шағымызда қазақ қарияларының сөз саптау мәдениетін жиі-жиі еске алып, жадыда жаңғыртуға тырысатын дертке шалдықтық. 

Анар ТӨЛЕУХАНҚЫЗЫ, «Егемен Қазақстан»

Арайланған, абаттанған Астанам!

Махамбет «Еділдің бойы ен тоғай, ел қондырсам деп едім» деп жалынды жырына қосқандай, бүгінде еңсесі биіктеген елорда көз алдымызда қанатын жайып, өсіп-өркендеп, сары даланың сәніне сән қосқан керім қалаға айналғаны анық.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу