Қазақстан • 12 Ақпан, 2018

Астана әкімдігінде кадрлық өзгерістер болды

232 рет
көрсетілді
1 мин
оқу үшін

Бүгін Астана әкімі Әсет Исекешев аппарат жиынында кадрлық өзгерістер туралы айтты, деп хабарлайды елорда әкімдігінің баспасөз қызметі. 

Астана әкімдігінде кадрлық өзгерістер болды

ҚР Президенті Әкімшілігіндегі мемлекеттік инспектор лауазымына тағайындалуына байланысты Ермағанбет Бөлекпаев Есіл ауданының әкімі лауазымы қызметінен босатылды. 

Қала әкімі Е.Бөлекпаевқа атқарған жұмыстары үшін алғыс білдіріп, жаңа лауазымында табысты болуын тіледі. 

Өзінің жеке арызы бойынша атқарып отырған лауазымынан Мұрат Аманчиев «109 кезекшілік қызметі» мемлекеттік мекемесінің басшысы қызметінен босатылды. 

Әкім сонымен қатар «109 кезекшілік қызметі» ММ қайтадан құрылып, атауы «Қалалық мониторинг және жедел әрекет ету орталығы» болып өзгергенін және директоры Жаннат Дубированың тағайындалғанын хабарлады. 

«Бүгінде орталық өзінің жұмысын белсенді атқарып отыр, сол себепті барлық шағымдарға жедел әрекет жасау және түскен арыздарға мониторинг жүргізуді әрі қарай жалғастыруды тапсырамын», – деді Астана әкімі Әсет Исекешев.