«Нұр Отан» партиясының негізгі міндеттері пысықталды

«Нұр Отан» партиясы Төрағасының бірінші орынбасары Мәулен Әшімбаев партия филиалдарының өкілдерімен кездесті. Партияның өңірлік, аймақтық филиалдарымен қатар, ірі кәсіпорындар базасында құрылған филиал және бас­тауыш партия ұйымдарының басшылары қатысқан жиында Елбасының партия қызметін жаңғырту жөніндегі тапсырмасы кеңінен талқыланды.

Егемен Қазақстан
13.02.2018 1422
2

Жиынды ашқан Мәулен Әшімбаев партиялық жаңғыру­дың басым бағыттарын атап өтіп, алда тұрған міндеттердің ай­мақтық деңгейде де аса ма­ңызды екеніне назар аударды. Партия Төрағасы бірінші орын­басарының айтуынша, нұр­отан­дықтар елімізде қолға алынған жүйелі өзгерістердің негізгі қоз­ғау­шы күші болуы керек. Сол үшін алдымен партияның не­гізгі міндетін анықтап, идео­ло­гиялық жұмыстың бағыт-бағ­дарын айқындап алу керектігін айтқан Мәулен Әшімбаев: «Біз бүгінде көбіне ішкі жұмыстарға ба­сымдық беріп, солармен ғана шек­теліп қалғандаймыз. Тіпті, кей­біреулер Орталық аппаратқа құдды бір министрлік, ал пар­тия­ның аймақтардағы филиалдарына жергілікті әкімдіктердің бір бөліміндей қарайды. Бұл Елбасымыздың партияның алдына қойған мақсат-міндеттері мен атқарар рөлін дұрыс түсінбеудің салдарынан болып отыр. Мем­лекет басшысы: «Нұр Отан» – ми­нистрлік те, атқарушы билік те емес. Ол – стратегиялық күш», – деп партияның бағыт-бағдарын анық­тап берді. Сондықтан біз жұ­мы­сы жүйелі әрі тиімді, мін­деті айқын стратегиялық күш болып қалыптасуымыз керек», деді.

Мәулен Әшімбаев партия­ның жаңа бағытта жұмыс істеп, нақ­ты нәтижелерге қол жеткізуі үшін қалыптасқан әдіс-тәсілдер мен форматты өзгертуді ұсынды. Бі­рінші кезекте партия жұмысына дебюрократизация қажет екенін де тілге тиек етті. Бұл, әрине өңір­лерге де тікелей қатысты бастама. Сондықтан жергілікті жерлерде нұротандықтар өздерін партия шенеунігі емес, халықпен ашық әрі тікелей жұмыс істейтін партия мүшесі ретінде көрсете білуі тиіс. Партиялық іс-шараларды таптаурын нұсқадан арылтып, қоғаммен саяси байланысты жаңаша қар­қынмен қайта орнатудың да ма­ңызы зор. Нұротандықтардың ұйымдастыруымен өтетін әр іс-шара мәнді, мазмұнды, креативті болып қана қоймай, нақты нәтижеге қол жеткізуі керек.

Сондай-ақ жиында идео­ло­гия­лық жұмыстарда өңір­лер­дің «Ру­хани жаңғыру» бағдар­ла­ма­сы­на басымдық беруі керектігі ай­тыл­ды. Осы тұрғыдан келгенде Қа­зақ­стандағы жетекші саяси күш са­налатын «Нұр Отан» партия­сы құндылықтар мен жаңғыру идея­сының жаршысы ретінде әр қазақ­стандыққа оның мәні мен ма­ңызын түсіндіруі тиіс. «Қазі­ргі таңда «Нұр Отан» партиясы көз алдымызға үлкен бір спорт сайысында жеңіске же­тіп, кейін жаттығуды ұмытқан, өз өзімен жұмыс істеуді мүлдем тоқ­­­тат­қан, алдағы мақсат-мүд­де­лерін ысырып қойып, күнделікті күй­бең тірліктен арыла алмай өмірдің ағысымен ғана жылжып келе жатқан спортшыны елес­тетеді. Сондықтан баршамыз ол спортшының қайтадан ес жиып, қарқынды жаттығуына, мақ­саттарын айқындап, физикалық қана емес интеллектуалды тұр­ғы­да да өзін-өзі қолға алуына және нағыз чемпион болуына күш жұмсауымыз керек. Бұл – біз­дің алдағы уақыттағы басты мін­детіміз. Осы жолда бәріміз жұ­ды­рық­тай жұмылуға тиіспіз», деді партия Төрағасының бірінші орынбасары.

Сонымен қатар М.Әшімбаев өңірлік филиалдар мен бастауыш партия ұйымдарының алдын­­да тұрған басты міндеттерге назар аударды. Ең алдымен, пар­тия өкіл­дері өз өңірлеріндегі қоғам­­дық-саяси жағдайды толық ба­қы­лауда ұстауы тиіс. Халықты алаң­­дат­қан мәселелерді дер ке­зінде анықтап, жедел әрекет етіп, кейін оны партиялық деңгей­де шешудің жолдарын ұсыну­лары керек. Соған орай арнайы Әлеу­меттік жүктемелер картасы да­йындалмақ. Барлық партиялық жобалардың өзектілігі артып, жаңа бастамалар қолға алынатын болды. Осы ретте «Нұр Отан» партиясы Төрағасының бірінші орынбасары партия бастамашы болған әрбір жоба есеп үшін ғана қолға алынбай, халыққа нақты пайдасы тиетін маңызға ие болу керектігін айтты.

Кадр мәселесі де назар­дан тыс қалмады. Соның нәти­же­сін­­де алдағы уақытта ең белсен­ді, ел мүддесін бірінші кезекке қоя­­тын білікті мамандардан кадр­­­лық резерв құрылып, со­­лар­­­дың қатарындағы партия мү­­ше­­лері мемлекеттік органдар мен мәслихаттардағы, тіпті Пар­ламенттегі бос лауазымдарға ұсы­нылатыны айтылды. Одан бөлек, Мәулен Әшімбаев сайлауал­ды бағдарламада көрсетілген уәде­лер мен міндеттерді орындау үшін әрбір филиалға білек сы­банып жұмыс істеп, нақты нәти­желерге қол жеткізуді тап­сыр­ды. «Елбасы, партия Төраға­сы Нұрсұлтан Назарбаев бізге ауқым­­ды стратегиялық міндеттер жүк­теді. Біз «бір жеңнен қол, бір жағадан бас шығарып» әрекет етсек, бұл тапсырмаларды табыс­ты жүзеге асырып, партияның қызметін жаңа сапаға көтереміз деп сенемін. Осылайша пар­тия­­ны заманауи, жоғары тех­­но­ло­­­гия­лы, белсенді, перспекти­ва­лы, ин­нов­ациялық саяси ұйым р­етін­­д­е қайта құруға мүмк­ін­дік ала­­мыз. Бұл біздің қолы­мыз­дан ке­ле­тініне сенемін. Біз жұ­мыс ба­­ры­сында қандай тәсіл­дер мен әдіс­терді өзгерту керек­т­ігін және ал­ды­мыздағы мін­дет­тері­міз бен бағыт-бағдары­мызды нақ­­­ты түсіндік. Осы ба­ғыттағы жұ­­мыс­­­тарға партия­мыздың бар­лық өңірлік филиалда­ры бел­сене атса­лы­сады деп үміт­тене­мін», деді Мәулен Әшімбаев.

Сондай-ақ жиында партия хат­шылары Ғабидолла Әбді­рахы­мов, Қаныбек Жұмашев және Фар­хад Қуанғанов сөз алып, өз жұ­мыс бағыттары бойынша баяндама жасады.

Жолдыбай БАЗАР,
«Егемен Қазақстан»

СОҢҒЫ ЖАҢАЛЫҚТАР

23.02.2019

Гагарин кубогындағы қарсыластар анықталды

23.02.2019

«Алматы марафонының» жүгіру маусымы ашылды

23.02.2019

Түркістанда «Балдәурен-2019» байқауы өтті

23.02.2019

Түркістан: Түлкібас ауданында 6 әлеуметтік дүкен жұмыс істейді

23.02.2019

Атырауда көпбалалы үйлерге улы газды анықтайтын детекторлар тегін орнатылып жатыр

23.02.2019

Бейбіт Атамқұлов Еуропалық Одақтың Орталық Азия бойынша арнайы өкілімен кездесті

23.02.2019

Бектас Бекназаров Молдовадағы сайлауды бақылауға қатысты

23.02.2019

Елшілер институты Қазақстанға отандық жұлдыздардың жанкүйерлерін тартуға жол ашады

23.02.2019

Бүгін еліміздің басым бөлігінде тұман түсіп, көктайғақ болады

23.02.2019

Бадминтоннан әлем кубогі: қазақстандықтар жұптық сында келесі кезеңге өтті

23.02.2019

Юлия Галышева Жапониядағы әлем кубогі кезеңінде қола жүлдегер атанды

23.02.2019

Елордада ашық құдықтар мәселесі қалай шешілуде?

23.02.2019

Астанада әскерге шақырылушыларды медициналық куәландыру мәселелері талқыланды

23.02.2019

Қоғамдық қабылдауда ақтөбеліктердің мыңнан астам мәселесі шешілді

23.02.2019

ТМД құрылысшылары баға белгілеу саласында тәжірибе алмасты

23.02.2019

Жас теміржолшылар республикалық «Jas qanattar»  форумына қатысты

23.02.2019

Қостанай облысында өткен жылы өңдеу өнеркәсібінің өсімі 5,8 процентке артты

23.02.2019

Мақсат - әр тұрғынға отыз шаршы метр баспана беру

23.02.2019

Қызылорда облысы Полиция департаментінің жеке құрамы үшін гарнизондық жиын өтті

23.02.2019

Лондонда қазақстандық боксшы қарсыласын нокаутқа түсірді

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Jol erejesinen buryn, saqtyq kerek

Jasyratyny joq, ózimizdiń bir áriptesimiz, Qaraǵandy tas jolynan Astanaǵa kirer tusta keshqurym, ıaǵnı alageýim shaqta kóligimen bir adamdy basyp ketti. Ol jaıaý júrginshi jolaǵymen júgire basqan jandy kórmeı qalǵan. Qansha jerden kinásin moıyndasa da, ol – jaýapker. Sebebi jaıaý júrginshige arnalǵan jolaqta ereje buzdy. Toqtamady. Al toqtar edi, biraq adamdy kórgen joq. Mine, endi mundaı jaǵdaıda kimge kiná artasyz? Jaıaý júrginshi de opat boldy, júrgizýshi de qamalady.

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

ҰҚСАС ЖАҢАЛЫҚТАР

Тағы да оқу

Пікір қосу