Экономика • 15 Ақпан, 2018

Аэроғарыш саласында ынтымақтасуға ниетті

312 рет
көрсетілді
2 мин
оқу үшін

Қазақстаның Жапониядағы елшісі Ерлан Баударбек-Қожатаев Жапонияның аэроғарыштық зерттеулер агенттігінің (ЖАЗА) төрағасы Наоки Окумурамен кездесті.


Аэроғарыш саласында ынтымақтасуға ниетті

Е.Баударбек-Қожатаев Қазақ­стан­ның ғарыштық жобаларының іске асырылуы, атап айтқанда, жиын­тықтаушы спутниктерді жоба­лауға, жасауға, құрастыруға және сынауға арналған технология­лық және өндірістік база болатын ғарыш аппараттарының құрастыру-сынау кешенін салу туралы хабардар етті.

Н.Окумура Қазақстан Ұлт­­тық аэроғарыш агенттігі мен ЖАЗА ара­сындағы өзара ынтымақ­тас­тық­­тың жаңа сапалы деңгейге шыққандығы жөнінде айтты.

Сұхбаттасушылар 2010 жылы қаңтарда Қазақстан Ұлттық аэро­ғарыш агенттігі мен ЖАЗА арасында қол қойылған Ғарыш ке­ңістігін бейбіт мақсаттарда зерттеу және пайдалану сала­сын­дағы ынтымақтастық туралы ке­лі­сімді одан әрі іске асырудың маңыздылығы туралы атап көрсетті.

Елші Жапонияның цифрлы тех­но­логиялардағы алдыңғы қатар­лы ұстанымдарын ескере отырып, Қазақстан үшін өте маңыз­ды болып табылатын өзара пайда­лы ынтымақтастықты дамы­туға осы ке­лісімнің құқықтық негіз жа­­­са­­ғанын айтып өтті. Бұл тұр­ғы­­­да ЖАЗА өкілдері Прези­денті Нұрсұлтан Назарбаевтың «Төр­тін­ші өнеркәсіптік революция жағ­дайындағы дамудың жаңа мүм­кін­діктері» атты Қазақстан хал­қы­на арналған Жолдауының негізгі басымд­ықтарымен және Қа­зақ­­­­стан­дағы инновациялық техно­ло­­гия­лардың енгізілуімен таныстырылды.

Бұған қоса, Қазақстандық елші Жапония өкілін 2018 жылғы 23-26 мамырда Астанада өтетін «KADEX-2018» халықаралық көрмесіне қатысуға шақырды.

ЖАЗА төрағасы Қазақстанның Ха­лықаралық ғарыш стансасында жұмыс істейтін жапониялық ғарыш­керлердің ұшып кету мен қауіпсіз қону орны болып табы­латындығын ри­­за­­шылықпен атап өтті. Оның ай­ту­ын­­ша, қазіргі уақытта жапон хал­қы өз­дерінің кезекті ғарыш­кері Нори­с­иге Канаи­дың осы жылы маусымда Қа­зақ­с­тан жеріне қайтып келуін күтуде.

Н.Окумура алдағы наурызда Токио қаласында өтетін Ғарыш­тық зерттеулер жөніндегі 2-ші Халық­аралық форумға қазақ­стандық деле­гацияның жоғары деңгейде қаты­­сатындығына үміт артып отыр­ғандығын жеткізді.

Н.Окумура еліміздің қол жет­кізген жетістіктерін жоғары баға­лап, аэроғарыш саласындағы басым бағыттарда Қазақстанмен неғұр­лым тығыз ынтымақтасуға мүдделі екендігін білдірді.

 

«Егемен-ақпарат»