Қазақстан • 19 Ақпан, 2018

Қайрат Мәми Германия елшісі Рольф Мафаэлмен кездесті

366 рет
көрсетілді
1 мин
оқу үшін

Конституциялық Кеңес Төрағасы Қ.Мәми Қазақстан Республикасындағы Германия Федеративтік Республикасының Төтенше және өкілетті елшісі Рольф Мафаэлмен кездесті, деп хабарлады Конституциялық Кеңестің баспасөз қызметі.

Қайрат Мәми Германия елшісі Рольф Мафаэлмен кездесті

Кездесу барысында Қ.Мәми Қазақ­стан­ның тәуелсіздігін Германия алғаш­қы­лардың бірі болып мойындағанын және осы жылдар бойы біздің еліміздің стра­тегиялық серіктестігі екенін атап өтті. Мем­лекеттердің басшы тұлғаларының өзара сапарлары сенімгерлік қатынас орнатуға ықпал етті.

Төраға қонақты конс­ти­ту­циялық рефор­маның негізгі ере­желерімен, сон­дай-ақ Конс­­ти­туциялық Кеңестің өкі­лет­­тік­терімен таныстырды. Кез­­десу ке­зін­де тараптар ұлттық заң­на­маларды және конс­ти­туциялық бақылау практи­ка­сын жаңғырту аясында тәжірибе алмасты. Конституциялық Кеңес Төр­аға­сы атап өткендей, осы жыл­дар ішінде Қа­зақстанның және Гер­манияның заң құрылым­дары арасында жемісті ын­ты­мақ­тастық орнатылды. Консти­ту­ция­лық Кеңес Германия Фе­деративтік Республикасының Федералдық Консти­туциялық Сотымен тығыз байланысты жолға қойды.

Мәселен, Германияның құ­қық қорғау органдарына жә­не соттарына бару сапарлары Германияның қылмыстық, қыл­мыстық-процестік және әкім­шілік заңнамалары жүйесін терең зерделеуге мүмкіндік бер­ді. Бұл жобалар Қазақстанда осы жылдар бойы тиімді жұмыс іс­теп келе жатқан Халықаралық құқықтық ынтымақтастық Германия қорымен (IRZ) және Халықаралық ынтымақтастық бойынша Германия қоғамымен (GIZ) тығыз өзара іс-қимылда іске асырылып келеді, деді Қ.Мәми. Кездесу соңында тарап­тар Қазақстанның және Гер­ма­нияның конституциялық әділет органдары қызметі саласындағы екіжақты өзара қатынастарының халықаралық ынтымақтастықты тереңдету шеңберінде дами беретініне сенім білдірді.

Соңғы жаңалықтар