Қазақстан • 22 Ақпан, 2018

Бақытжан Сағынтаев отандық сарапшылармен өңірлерді дамыту мәселелерін талқылады

172 рет
көрсетілді
1 мин
оқу үшін

Бүгін Үкімет үйінде ҚР Премьер-Министрі Бақытжан Сағынтаевтың төрағалығымен экономика жөніндегі сараптама кеңесінің отырысы өтті, деп хабарлайды primeminister.kz.

Бақытжан Сағынтаев отандық сарапшылармен өңірлерді дамыту мәселелерін талқылады

Отырыс барысында еліміздің аумақтық-кеңістіктік дамуы бойынша үкімет саясаты мәселелері қаралды.

 Сарапшылар Қазақстанның ЖІӨ өсуіне әсер ететін факторларды талқылады, олардың ішінде жалпы экспорт деңгейі, қалалану және көші-қон үдерістері, интеграциялық жобалар және өңірлік инновациялық экожүйелерді қалыптастыру, орта білім беру сапасы және басқалары бар.

Бәсекеге қабілеттілікті арттыру мүмкіндігі туралы «Астана» Халықаралық ғылыми кешені» орталығының басшысы А. Боранбаев баяндама жасады.

Талқылау барысында сондай-ақ ҚР инвестициялар және даму министрі Ж. Қасымбек, «Атамекен» ҰКП басқарма төрағасы А. Мырзахметов, «Сентранс» АҚ директорлар кеңесінің төрағасы Е. Әбдіразақов, «Салық төлеушілер қауымдастығы» басқарушы кеңесінің төрағасы Ж. Ертілесова, «Ракурс» экономикалық талдау орталығы» қоғамдық қорының директоры О. Жандосов, «Қоғамдық мәселелерге талдау жасау орталығы» қоғамдық қорының директоры М. Махмұтова, Стратегиялық бастамалар орталығының аға серіктесі О. Құдайбергенов және басқалары сөз сөйледі.