Еуразиялық топ «Туған жер» бағдарламасын түлетеді

Қостанай, Павлодар, Ақтөбе және Қарағанды облыс­та­ры – Қазақстандағы ең ірі хол­ди­нг­тердің бірі Еуразиялық топ қыз­мет ететін өңірлер. Жыл сайын осы облыстарды дамыту үшін ERG миллиардтаған теңге бөле­ді. Соңғы бес жылда ERG Қазақ­стан­да қайырымдылық пен де­меу­ші­лікке 71 миллиард теңге жұм­са­ды. Де­генмен, «Туған жер» бағ­дар­ламасы тек демеушілік көмек­пен ғана шектеліп қоймайды, оның ауқымы әлдеқайда кең.

Бағдарлама аясында компания қызмет ететін аймақтарда әлеу­мет­тік маңызы бар жобалардың дамуына қолдау көрсетеді әрі ынталандырады. Биыл Ақтөбе, Қостанай және Павлодар облыстарының басшы­ларымен меморандумдарға қол қойылды және олардың әрқайсысы қолдаудың маңызды бағыттарын айқындады.

Маңызы ерекше жол

Ақтөбе облысында 2018 жылы ERG тарапынан әлеу­мет­тік маңызды жобаларды қар­жы­лан­дыру көлемі өткен жылмен салыс­тыр­­ғанда 2 есе дерлік артып, 2 млрд теңгені құрайды. Аймақтық, тіп­ті республикалық маңызы бар ауқымды жобалардың бірі – Жіңіш­ке стансасының маңындағы жол то­рабының құрылысы.

– Төртінші балқыту цехының, жаңа зауыттың құрылысына және өн­діріс көлемінің ұлғаюына байланысты зауытта темір жолдарды кеңейту жобасы болды. Сәйкесінше ескі зауытта 5 шақырым темір жол салынған еді. Жіңішке стансасынан қабылдау-жөнелту жолы біреу ғана болғандықтан, жұмысты жылдамдату үшін екінші жол салу туралы шешім қабылданды», – деді темір жол цехының бастығы Нұрболат Ахметов, – Сондай-ақ жұмысты жеделдету үшін, кейінірек облыс бас­шылығы темір жол арқылы жол өткелдерін салу туралы шешім қа­был­дады, ол бізді Жіңішке стансасымен байла­ныстырады. Бұл жол өткелдері Ақтөбе ферроқорытпа зауыты мен Жіңішке стансасы арасындағы технологиялық үдерісті жеделдетуді қамтамасыз етеді.

Көптеген пікірталастар мен жос­­пар­лардан кейін, ERG қаржы­лай қолдау­ының арқасында 2017 жыл­дың көктемінде жол өткел­де­рінің құрылысы басталды. Жобаны ағымдағы жылы аяқтау жоспарлануда.

– Жол өткелі басып өтетін тас жол – халықаралық маңызы бар ба­ғыт. Ал осы жол өткелінің салы­нуы көліктердің жолдан өтуін же­­ңіл­детеді. Бұл өткелде енді­гәрі кеп­­те­ліс болмайды, себе­бі кө­ліктер ағы­ны үлкен және Жі­ңіш­ке стансасын­да вагондарды шы­ғар­ған кезде өт­­кел жабылады – де­ген Нұрболат Ахметов Ақтөбе қала­сының тұр­ғы­ны ретінде қуа­нышын жасырмады.

Бұдан бөлек, биыл ERG қар­жысына Хромтаудағы орталық стадионға күрделі жөндеу жүр­гі­зіледі. Еуразиялық топтың ресу­рс­тарына салынған стадион және сау­ықтыру-дене шынықтыру кешені бүкіл қаланың саламатты өмір салтын қалып­тас­тыру орталығына айналды. Хромтау жастары енді кафелерде уақыт өткізудің орнына, тренажер залына баруды жөн санайды.

– Стадион қаланың жүрегі тә­різ­ді, кешқұрым көптеген қара­пай­ым адамдар, спортшылар жина­ла­ды. Менің ойымша бұл істе Еура­зиялық Топ көп еңбек сіңірді. Ашыл­ғанына биыл 17 жыл толатын сауықтыру кешеніне шынында да жастар өте көп келеді. Адамдар мұнда спортзалға барып, бассей­н­ге түседі. Сауықтыру-дене шы­нық­ты­ру кешеніне Хромтау қаласының барлық тұрғындары келе алады, ба­ла­ларға ақысыз, Дөң ТКБК қыз­мет­керлері үшін барлығы те­гін, – деп СДШ әдіскері Елена Мит­ро­фа­нова өз жерлестерінің қуа­ны­шымен бөлісті.

Сондай-ақ Дөң ТКБК, Ақтөбе және Хромтаудағы мәдениет үй­ле­рін, спорттық және сауықтыру ке­шендерін, мәдениет нысанда­ры мен ай­мақтағы басқа да маңызды жобаларды мамандармен қамтамасыз етуші Хромтау кен техникалық колле­джіне қолдау көрсету дәстүрін Еу­ра­зиялық Топ жал­ғас­тыруда. Ақ­төбеде жаяу жүргін­шілер жол­дары мен көлік жолдарына асфальт тө­сеу, аулаларды абаттандыру, спорт­тық және ойын алаңдарын ор­нату және Хромтаудағы орталық саябақты қай­та салу үшін биыл қаражат бө­лінеді.

– Біздің қызметкерлеріміздің бас­­тамасы бойынша Ақтөбе облы­сы­ның тұрғындарына жай­лы жағ­дай жасауға және өмір­ле­рін жақ­сар­туға бағытталған көп­теген жо­балар м­еморандумға енгі­з­ілге­ні­не өте қуаныш­ты­мыз. Өйт­ке­ні олар осында тұрады және Ақ­тө­бе мен Хромтауға өз туған же­рі ретінде қарай­ды, – деп атап өт­ті ERG директорлар кеңесінің төр­аға­сы Александр Машкевич.

Кешегіге құрмет, келешекке қамқорлық

Павлодар түсті металлургия колле­джінің студенттері оқу жы­лын қуанышты оқиға­мен бастады. Сту­денттер Еуразиялық Топтың қа­ты­суымен салынған жаңа жатақ­ханаға қоныстанды.

Балқытылған тұздар электро­ли­зінің болашақ маманы, 3-курс сту­денті Естан Нұржанов Пав­ло­дар­ға Шарбақты ауданынан ке­ліп­ті.

– Екі жылдан бері пәтер жалдап тұруыма тура келген еді, сол себепті жатақхана салынғанына өте қуаныштымын. Тұрмысқа өте қолайлы, жайлы, ыңғайлы. Қазіргі уақытта дуальды оқыту аясында Қазақстан электролиз зауытында техн­ологиялық тәжі­ри­беден өтіп жүр­мін, онда маған 50 мың теңге жалақы төлейді. Диплом алғаннан кей­ін зауытта жұмысқа қалуды мақ­сат етіп отырмын, – деп өмірлік жос­парымен бөліс­ті Естан.

Әкімдікпен арадағы мемо­ран­дум аясында 2018 жыл­ғы қар­жы­лан­дыру үй шаруа­шы­­­лық­тарын жақ­сартуға және инфра­құ­ры­лымды да­мытуға жұмсалады, мысалы, бі­лім беру мен спорт ұйымдарын, ме­ди­ци­на­лық мекемелерді, мәдени ны­сандар­ды күр­­делі жөндеу және жаб­дықтауға бағытт­а­лады.

– «Төртінші өнеркәсіптік революция жағдайында дамудың жаңа мүм­кіндіктері» атты Жолдауында Елбасы мемлекет пен  жекеменшік се­ріктестігі негізінде тұрғын үй-ком­муналдық инфрақұрылымды жаң­­ғырту мәселелерін белсенді түр­де шешу қажеттігін атап өтті. Еуразиялық Топ ERG кәсіп­орын­да­ры орналасқан аймақтардың әкімдіктерімен бірге осы бағытта тығыз жұмыс істеп келеді, – деп атап көрсетті ERG директорлар ке­ңе­сінің төрағасы ERG  Александр Машкевич.

Ұзақ мерзімді серіктестік арқасында жергілікті әкімдіктер мен Еуразиялық Топ бірлесе отырып ресурстарды тиімді және тұр­ғын­дарға барынша ұтымды пайдалануды үйренді. Әрине, бірінші кезекте жастар – облыстың болашағы жә­не қарттар мен мүгедектер – ха­лық­тың әлеуметтік әлсіз топтарына қамқорлық көрсету тұр.

Павлодар қаласының қоғамдық кеңесі­нің хатшысы Тельман Айтқазин көп уақытын Еуразиялық топ сатып алып, Павлодар облысына сыйға тартқан қарттар мен зағип жандарды оңалтуға арналған «Ардагерлер үйінде» өткізеді.

– Павлодар облысының әкімі Болат Бақауовқа аға ұрпаққа қам­қор­лық пен көңіл бөлгені үшін шы­найы алғысымызды білдіреміз. ERG жаңа ғимаратты сатып ал­ған­нан кейін облыс әкімі осы ғи­маратты жөндеуге қосымша қара­жат тапты. Бізде қосымша су про­це­­дуралары, сондай-ақ ұзақ уақыт бойы армандаған мәжіліс залы да пайда болды, барлығы 2018 жылдың наурызында жұмыс істей бастады. Бұл мүгедектерге және жыл сайынғы сауықтырудан өтетін зейнеткерлерге зор қолдау, – дейді Тельман Айтқазыұлы.

Еуразиялық топ Павлодар облы­сының дамуына 2018 жылы рекордтық 3,7 млрд теңге бөле­ді. Бұл қаражат Павлодар трам­вай басқармасына қолдау көр­се­туге, Ақсу қаласындағы орта­лық жағалауды қайта құруды жал­ғас­ты­руға және Павлодардағы мұзайды­нына жұмсалады. Дәстүрлі түр­де аймақтағы футбол және во­лей­болды дамытуға, сондай-ақ ERG қызметкерлері үшін жол құ­ры­лысы, инфрақұрылым, ауруха­на­­ларды жөндеу, мектептерді қар­жы­ландыру, балабақшалар мен ойын алаң­дарын орнату, басқа да спорттық нысандар сияқты маңызды жобаларға қаржылық қолдау көрсетіледі.

Адамдар мен технологияларды өркендету

Бақытты жұмысшы – тиімді жұмысшы. Еуразиялық топтың бас­шылығы осы қағиданы ұс­тана отырып қызметкерлерінің қа­жет­тіліктерін қамтамасыз етеді. Хол­динг спорт, демалыс және мә­дени даму үшін жағдай жасау жақ­сы екенін біледі, бірақ бәрінің бас­ты және негізгі қажеттілігі – бас­панасының болуы.  Қостанай облысының Рудный қаласында 2017 жылы «ССКӨБ» АҚ-тың ондаған қызметкерлері қоныс тойын тойлады.

Солардың бірі – «ССКӨБ» АҚ Жол шаруашылығы және құ­ры­лыстар басқар­масының ДОБ кеңейтілген учас­кесінің байланыс шебері Нұрлан Дүй­сем­баев. Оның басты арманы 2017 жыл­дың қыр­күйегінде орындалды – отбасымен жаңа 3 бөлмелі пәтерге көшіп, өздерінің 75 шаршы метр­леріне ие болды. 

– Жұбайым екеуміз сыйлыққа ризамыз, біз ата-анамызбен бірге тұратын едік. Жаңа үйге көшкеннен кейін өзіміздің жайлы «ұямызды» өз бетімізше жабдықтай бастадық. Алғаш рет жаңа 2018 жылды өз пәте­рімізде қарсы алдық. Бұл қай­ы­рымды бастаманы, яғни үй құры­лы­сын Еуразиялық топ жүзеге асы­р­ды. Пәтерлер үлкен, кең және ыңғайлы, әрі үйдің сыртқы көрінісі мен абаттандырылуы да тамаша. Ауладағы балаларға арналған алаңқай мен спорт алаңдары балалар мен аналары үшін сүйікті демалыс орнына айналды, – деп қуанышымен бөлісті Нұрлан.

ERG Қостанай облысының дамуына әрдайым ерекше көңіл бө­леді, мұнда ERG кәсіпорындары – «ССКӨБ» АҚ және «Қазақстан алю­минийі» АҚ өндіріс орында­ры орналасқан. Облыстың ма­ңыз­ды әлеуметтік жобаларына 2018 жылдың меморандумына сәй­кес ай­мақтың әлеуметтік-эко­но­ми­ка­лық дамуына және оның ин­фра­құрылымына 2,6 млрд теңгеден ас­там қаржы жұмсалады.

Биыл ERG II Инноваторлар фо­ру­мының аясында қызметкерлер кө­терген қаладағы түйткілді мәсе­ле­лерді шешу жобалары іске асырылатын болады. Осы 2018 жылғы меморандумда Рудныйдағы қалдық су­ды тазарту қондырғысынан шы­ға­тын жағымсыз иісті цеолит арқ­ылы бейтараптандыру, «Инно­ва­ция­лық аула» және «Зеңгір жа­ға­лау» қалалық жағажайды абат­тан­ды­ру  жобалары кірді.

– Еуразиялық топтың кәсіп­орын­­дары біздің қала­ла­рымыздың тұр­ғындарына бұрыннан комму­нал­­дық қызмет көрсетеді, – деп атап өтті ERG S.a.r.l. бас атқарушы ди­рек­тордың бірінші орынбасары Алдияр Қазтаев. – Бұл комму­нал­дық төлемдердің бір бөлігі ға­на екенін түсінеміз, бірақ бізге қа­тысты коммуналдық шоттар тұты­ну­шыларға ауыртпалық жүктемеуі үшін барымызды саламыз.

Оның айтуынша ERG кәсіп­орын­дарының коммуналдық қыз­ме­т­тер көрсетуінің тарихи тұр­ғы­дан алғанда қаржылай шы­ғы­ны көп. Тек соңғы 4 жылда 6 миллиардтан астам теңгені құраған шығындарды тарифтердің бірнеше мәрте өсуіне жол бермеу үшін кәсіпорындар «өздеріне алып» отыр. Бұдан бөлек, Еуразиялық топ екінші жыл қатарынан Руд­ный қаласы мен Қашар ауылын орта­лықтандырылған жылумен қам­тамасыз етті. ССКӨБ 2018 жыл ішін­де өз қаражатынан 800 млн тең­гені Рудный және Қашар елді ме­кен­дерінің тұтынушыларына жы­лу энергиясын өндіру, беру жә­не жеткізу қызметтерін үздіксіз жә­не жоғары сапалы қамтамасыз етуге жұмсады, әрі ол соманы тарифтер арқылы қайтарып алмайды.

Айтпақшы, бүгінгі күні Қашар – ERG кәсіпорындарының өзіндік «Инно­вациялық орталығы». «ССКӨБ» АҚ Қашар кенішін ба­с­қару базасында «ақылды карьер» жұ­мыс істейді.

– «Ақылды карьерді» іске қосу – бұл технологиялық процесті азайту және оңтайландыру есебінен шы­ғындарды азайту және кен тех­ник­асының өнімділігін 10 пайызға арттыру құралы. Бұл тек онлайн  ре­жіміндегі суреттер ғана емес, қыз­меткерлердің жұмысын реттеу бойынша негізді, әрі дұрыс шешім қабылдауға мүмкіндік беретін цифрлы көрсеткіштер, – дейді «ССКӨБ» АҚ Қашар КБ кәсіпорны өндіріс директорының орынбасары қызметін атқарушы Александр Мальцев.

Ақылды жүйе автотүсіргілер, экскава­тор­лар және басқа да жылжымалы нысан­дар­дың жұмысына қашықтан диагностика жасайды, содан кейін бөлімнің техникалық қыз­меттерін карьердегі барлық жаб­дықтардың жұмыс істеуі туралы мәліметтерді уақытын­да талдай ала­ды және қажет болған жағдайда ауыс­­тырады. Қашар алаңынан кей­ін жүйе Соколов-Сарыбай және Қор­жынкөл карьер­ле­рін қамтиды.

Қостанай облысы әкімдігімен арадағы меморандумдар шең­бе­рін­де тұтастай алғанда, Еуразиялық топ осы жылдары шамамен 6 млрд теңге инвестиция салды. Бұл Қос­танай мен Рудныйдағы үйлерді жөн­деу, Лисаковтегі көшелерді абат­тандыру, Қостанай облысының Октябрь ауылында балалар ойын алаңын орнату, ауруханаларға арнал­ған жабдықтар сатып алу, облыстың мек­тептері мен мәдениет үйлерін жөндеу сияқты әлеуметтік жобалар.

Көптеген жылдар бойы Еура­зиялық топ үшін өз қыз­мет­кер­лерінің туған жерлеріне қол­дау көрсету ең маңызды басым ба­ғыт болып келеді. Компания  бас­шы­лығы тұрғындардың өмір сүру жағ­дайына ерекше көңіл бөлу – қызмет ету аймақтарындағы тұрақ­тылық пен қыз­­мет­керлер көңі­лінің жайлылығы ар­қылы қайтып келетін ең тиімді инвес­ти­циялардың бірі деп сенеді.

Сейфолла ШАЙЫНҒАЗЫ,
«Егемен Қазақстан»