Әлем • 03 Сәуір, 2018

Қазақстан Дубайдағы ЭКСПО көрмесіне қатысады

45 реткөрсетілді

Дубай шаһарында 2020 жылдың 20 қазаны мен 2021 жылдың 10 сәуірі аралығында Дүниежүзілік ЭКСПО көрмесі өтеді. «Болашақ үшін сана-сезімді біріктіру» тақырыбында, оның ішінде «Мүмкіндік», «Мобильділік» және «Тұрақтылық» деген ұғымдардан тұратын көрмені 25 миллионнан астам адам тамашалайды деп күтілуде. Жалпы, ЭКСПО көрмесі Таяу Шығыста алғаш рет өткізілмек.

Көрме кешені «үш жапырақ» пішінінде ұсынылған және Біріккен Араб Әмірліктерінің павильоны, сондай-ақ көрме ұғымдарына сай 3 тақырыптық кластер диаметрі 150 метрді құрайтын «Әл-Васл» плазасы орталық нысанының қа­сын­да орналасады. БАӘ павильо­нының жобасын испания­лық сәулетші Сантьяго Калат­рава, «Мүмкіндік» павильо­нын BIG (Bjarke Ingels Group), «Мобильділік» павильо­нын Foster and Partners, «Тұрақ­тылық» павильонын Grimshaw Architects компаниялары жасады.

ЭКСПО кешенінің жалпы аумағы 438 гектарды құрайды. Оған 150 гектар көлемінде көрме аумағы, сондай-ақ жерүсті метро стансасы, «Dubai South Mall» сауда орталығы, тұрғын үй, логистикалық және қонақ үй нысандары кіреді. Қазіргі уақытта «ЭКСПО-2020 Дубай» көрмесіне 170 мемлекет қатысатындығын растаса, 55 ел келісімге қол қойып үлгерді.

«Астана ЭКСПО-2017» ҰК» АҚ баспасөз қызметінің ха­бар­лауынша, Дубайдағы Дүние­жүзілік ЭКСПО-2020 көрме­сінде Қазақстан Республи­ка­­сы­ның Ұлттық секциясы­ның бас комиссары, «Астана ЭКСПО-2017» ҰК» АҚ бас­қарма төр­ағасының орынбасары Ал­лен Шәйжүнісов пен «ЭКСПО-2020 Дубай» бюросы­ның атқарушы директоры Над­жиб Мохаммед әл-Әли де келі­сімге қол қойды.

«Егемен-ақпарат»

Баннер
Соңғы жаңалықтар

Ұқсас жаңалықтар