Қазақстан • 05 Сәуір, 2018

Матиас Дорнфельд: Бес әлеуметтік бастама Германияның Bauspar жобасына ұқсайды

17 реткөрсетілді

Қазақстан Президенті Нұрсұлтан Назарбаев биылғы наурыздың басында халықтың өмір сүру деңгейін жақсартуға арналған бес әлеуметтік бастамасын жариялады. 

Бұл бастамалар елде бұған дейін қабыл­данған «100 нақты қадам» Ұлт жоспарының және Президенттің биылғы «Төртінші өнеркәсіп­тік революция жағдайындағы даму­дың жаңа мүмкіндіктері» атты Жолдауында көрсетілген 10 басым міндеттің талаптарымен сәйкес келеді.

Сонымен қатар бұл бастамалар бір жағынан ауыл шаруа­шылығы саласын дамытуға, табы­сы төмен отбасыларды қол­дауға бағытталған.

Бұл бастамаларды барлық қазақ­стандықтарға пайда әкеле­тін теңгерімді бағдарлама деп тануға болады. Ең алдымен, ол тұрғын үй құрылысы мен оны сатып алу үшін тиімді не­сиелік бағдарлама ұсынады. Халық осы арқылы тиімді мүм­кін­діктерді қолданып, яғни  табысы аз болғанымен төмен пайыздық мөлшерлеме арқа­сында өздерінің баспана мәсе­лесін шешіп алуына болады. Бұл Германиядағы Баушпар (Bauspar) жобасына ұқсайды.

Бұдан бөлек, төменгі жал­ақы төлейтін сектордағы қыз­мет­керлердің жоспарланған салықтық жеңілдіктер арқылы жалақысын өсіру де халық үшін игі бастама болып табылады. Мұның нәтижесінде елдегі екі миллион адамға қаржылық қол­дау көрсету жүзеге асырылады. Бұл экономикалық дамуға, қаржы секторының нығаюына ықпалын тигізеді.

Менің ойымша, ең маңыз­ды бастама – сапалы жоғары бі­лім­ге қолжетімділікті арттыру. Бұл қадам жаһандану кезе­ңінде Қазақ­стан экономика­сы­на қа­жет­ті білікті ғалым­дар­­­ды қолдау үшін өте ма­ңыз­ды. Ол, ең алдымен, эконо­ми­ка­ны цифрландыру мен әртараптандыруға қатыса­тын бастаушы инженерлерді да­йындауға арналған.

Сондай-ақ Қазақстан Прези­дентінің бес әлеуметтік бас­тама­­сының ішіндегі төр­тіншісі көп­теген қазақстан­дықтар үшін өте қажет мәселе деп ой­лай­мын. Өйткені бұл бастама­да микро­кредиттеу және өзін-өзі жұмыс­пен қамту үшін қар­жы ресурстарын ұлғайту ісі қамтылған.

Елдің оңтүстігіндегі Қызыл­орда облысынан Астана қа­ла­сына дейінгі газ құбы­ры­­ның құрылысын салу ісі де Н.Назарбаев көтерген бас­тама­лар­дың ішіндегі ма­ңыз­­­дысы деп ойлаймын. Ол Қазақ­­стан­ның газдандырылуын жедел­­­детіп, бірқатар қала­лар­дағы эко­логиялық жағ­дай­дың жақ­саруына әсер етеді.

Қорыта айтқанда, Қазақ­стан Президенті ұсынған, қазақ­­стандықтар үшін аса ма­ңызды бұл бес әлеуметтік бас­таманы игілікті қадам деп есептеймін.

Матиас ДОРНФЕЛЬД,

Потсдам университетінің Орталық Азия және Оңтүстік Кавказ елдері бойынша сарапшысы (Германия)

Баннер
Соңғы жаңалықтар

Алғашқы күн табысты болды

Спорт • Бүгін, 17:12

Білімдінің қолында алтын шырақ

Аймақтар • Бүгін, 17:08

UAE and Kazakhstan discuss bolstering ties

Саясат • Бүгін, 16:40

Қазақтардың қарқыны жақсы

Спорт • Бүгін, 16:26

Ұқсас жаңалықтар