Елбасы сенім грамоталарын қабылдады

Кеше Мемлекет басшысы Нұрсұлтан Назарбаев еліміздегі бірқатар  елшілерден сенім грамоталарын қабылдады.

Егемен Қазақстан
12.04.2018 4285
2

Ақордада өткен арнайы рәсімде Елбасына Ресей Федерациясының Тө­тенше және өкілетті елшісі Алек­сей Бородавкин, Өзбекстан Респуб­ли­касының Қазақстандағы Төтенше және өкілетті елшісі Саидикрам Ниязходжаев, Түрікменстанның Төтенше және өкі­летті елшісі Тойлы Комеков және Ита­лия Рес­пуб­ли­касының Төтенше және өкілет­ті елшісі Паскуале Д’Авино сенім гра­­мотасын тапсырды.

«Бар­шаң­ызды Қазақ­стандағы жаңа дипло­ма­тиялық миссия­ларыңыздың ресми басталуымен шын жүректен құт­тық­таймын. Жауап­ты әрі мәртебелі мін­дет­тері­ңіз елдеріміз ара­сындағы ынты­мақ­тастықты одан әрі нығай­туға серпін береді деп сенемін. Сіз­дер­дің дип­ломатиялық қыз­мет­тері­ңіз маз­­мұнды әрі маңызды оқиға­ларға то­лы кезеңдерде болғалы тұр», деді Ел­басы салтанатты рәсімде.

Мемлекет басшысы Қазақстан ширек ғасыр ішінде дипломатиялық жү­йесі орныққан, азаматтық қоғамы кемел­денген, экономикасы дамыған мем­лекетке айналғанын баса айтты. Сондай-ақ еліміз қолға алған игі баста­малардың түпкі мақсаты әлемдегі озық дамыған 30 елдің  қатарында болу екендігін атап өтті.

«Қазақстан халықаралық байланыстарын дамыта түсу үшін көпжақты сыртқы саяси бағытын жалғастыра беретін болады. Біз бейбітшілік пен қауіпсіздікті, халықаралық құқық негіздерін ны­ғайтуды көздейтін іс-әрекеттерді қол­дай­мыз. Бұған Қазақстанның БҰҰ Қауіп­сіздік Кеңесінің тұрақты емес мүшесі ретінде атқарып келе жатқан жұмыс­тарының нәтижесі дәлел»,  деді  Қазақстан Президенті.

Нұрсұлтан Назарбаев еліміздің бітім­гершілік жұмыстарға белсенді атсалысып отырғанына назар аударып, Сириядағы қақтығыстарды реттеу ісін­де Астана процесінің айрықша рөл атқа­ратынын айтты. Сонымен қатар Еура­зиялық экономикалық одақ, Шанхай ынты­мақтастық ұйымы, ТМД және Ұжым­дық қауіпсіздік туралы шарт ұйымы сияқты халықаралық ұйымдар аясын­да бірлесе іс-қимыл жүргізудің маңыз­дылығын атап өтті. Мемлекет басшы­сы еліміздің әлеуметтік-экономи­калық даму нәтижелеріне тоқталып, Қа­зақ­станда инвестиция тарту үшін қалып­тасқан мүмкіндіктер жөнінде айтты.

«Қазақстан ЕАЭО, ШЫҰ, ТМД және ҰҚШҰ арналарындағы іс-қимылға ерекше мән беретіндігін білесіздер. Елі­міздің сыртқы саясатындағы өңір­лік ынтымақтастықты нығайту мәселе­лерінің мәні зор. 2017 жылдың қорытын­дысы бойынша, Қазақстан оң эконо­микалық көрсеткіштерге қол жеткізді. Экономикалық және инвестициялық ықпалдастықты нығайту, шетелдік әріптестермен ынтымақтастық негізгі бағыттарымыздың бірі. Біз сауда-саттық көлемін ұлғайтып, өндірісті өркендету үшін тиімді инвестиция әкелуге мүдделіміз. 2017 жылы Қазақстан бизнес жүргізу жеңілдігі рейтингі бойынша 190 елдің арасында 36-орынға ие болды»,  деді Нұрсұлтан Назарбаев.

Мемлекет басшысы сонымен қатар ЭКСПО-2017 көрмесі барысында жа­сыл технологияларды дамыту жөніндегі халықаралық орталық пен ІТ стартаптардың халықаралық технопаркі құрылғанын да атап өтті. «Астана халық­аралық қаржы орталығының қыз­метін жандандыру Қазақстанның бас­ты басымдықтарының бірі. Осыған орай сіздерде халықаралық қаржы орталы­ғын дамытуға атсалысып, оның игілігін көруге шақырамыз. Өзара тиімді сауда-эко­номикалық ынтымақтастықты нығайту үшін Қазақстандағы зор мүмкін­діктерді кеңінен пайдалану қажет», деді Мемлекет басшысы.

Елбасы ағымдағы жылы елімізде бірқатар маңызды халықаралық іс-шара­лар жоспарланып отырғанына тоқталды. «Атап айтқанда, Астана экономикалық форумы, Әлемдік және дәстүрлі діндер көшбасшыларының VI съезі, Дү­ние­жүзілік Ислам экономикалық форумы өтеді. Осы басқосуларға сіздердің ел­деріңіз белсене қатысады деп ойлаймын»,  деді Президент.

Нұрсұлтан Назарбаев бұдан әрі сенім грамоталарын тапсырған елші­лердің мемлекеттерінің біздің елмен қарым-қатынасына жеке-жеке тоқ­талып, ынтымақтастық байланысын баян­дады. Мәселен, Қазақстан мен Ресей Федерациясы арасында қалып­тасқан мемлекетаралық қарым-қатынас­тың жоғары деңгейде екенін айтып, ын­ты­мақтастықты одан әрі нығайта түсу ба­ғыты екі ел халқы тарапынан кең қолдау тауып отырғанын атап өтті. «Қазақ­станның Ресей Федерациясымен қарым-қатынасы мемлекетаралық байланыстың эталоны саналады және стратегиялық серіктестік пен одақтастықтың жарқын үлгісі ретінде қызмет етеді. Біздің ты­ғыз ынтымақтастығымыздың арқа­сында Еуразиялық экономикалық одақ ин­теграциялық бірлестігі табысты жұмыс істеп тұр»,  деп атап өтті Президент.

Мемлекет басшысы мемлекеттер ара­сындағы ынтымақтастықты одан әрі дамытуға бағытталған бағдар екі ха­лықтың да барынша жоғары қолдауына ие болып отырғандығын баса айтты. «Мен Ресей Президенті Владимир Владимирович Путинмен достыққа негізделген жеке қарым-қатынасымызды жоғары бағалаймын. Оның таяуда өткен сайлаудағы жеңісі – бұл Ресей халқының елді одан әрі гүлденуі, геосаяси рөлінің нығаюы жолындағы өз көшбасшысының бағдарына деген ең жоғары кезекті бағасы, сонымен қатар оның еліне деген шексіз жан-тәнімен берілуі деп есептеймін», деді Елбасы. Қазақстан Ресеймен арадағы екіжақты форматтағы және халықаралық күн тәртібі аясындағы байланыстарын екі халықтың игілігі үшін кеңейте беруге ниетті екендігін айтты.

Мемлекет басшысы Нұрсұлтан Назарбаев Өзбекстан Президенті Шавкат Мирзиёевтің Қазақстан-Өзбекстан қарым-қатынасын одан әрі нығайтуға зор үлес қосқанына тоқталды. «Өзбекстан Республикасымен бізді бірнеше ғасырлық мәдениеттер мен дәстүрлер достығының дәнекері байланыстырып тұр. Қазақстандық-өзбекстандық қарым-қатынастың одан әрі дамуына Өзбекстанның құрметті президенті Шавкат Мирзиёев үлкен үлес қосуда. Ол келгеннен кейін біз Астана мен Ташкент ынтымақтастығының жаңа жылнамасын аштық. Сонымен қатар Орталық Азия елдерінің ынтымақтастығын нығайтуда айтарлықтай прогреске қол жеткіздік», деді Елбасы. Мемлекет басшысы ағымдағы жылы болған өзара сапарлар, сонымен бірге түрлі халықаралық алаңдардағы қарқынды байланыстар саяси рухты айтарлықтай нығайта түскенін баса айтты. «Алғаш рет өзара сауда өсімін 30 пайыздан астамға қамтамасыз еттік. Биыл Өзбекстанның Қазақстандағы жылының басталуы, келесі жылы бауырлас Өзбекстанда Қазақстан жылын өткізу жаңа жаңалықтардың межесіне айналады және біздің ынтымақтастығымыздың барлық спектріне тың серпін береді. Қазақстан Өзбекстанмен көпжоспарлы ынтымақтастықты одан әрі нығайтуға ниетті», деді Нұрсұлтан Назарбаев.

Мемлекет басшысы, сондай-ақ Қазақстанның Түрікменстанмен көпжақты ынтымақтастықты одан әрі нығайтуға ниетті екенін айтты. «Бүгінде Орталық Азиядағы бауырлас мемлекеттер – Қазақстан мен Түрікменстанды тату көршілік қатынастар байланыстырады. Елдеріміз арасында сенімді әрі сындарлы диалог орнап, барлық басты бағыттар бойынша өзара түсіністіктің жоғары деңгейіне қол жеткізілді. 2017 жылдың сәуір айындағы Түрікменстан президенті Гурбангулы Бердімұхамедовтің Ас­танаға мемлекеттік сапары, менің өткен жылдың қыркүйегіндегі Ашхабад­қа жұмыс сапарым барлық бағыттар­дағы мемлекетаралық қарым-қатынас тари­хы­мыздың жаңа кезеңін ашты»,  деді Елбасы. Сонымен қатар Қазақстан Президенті стратегиялық әріптестік жөніндегі шарт, Қазақстан мен Түрікменстан арасындағы мемлекеттік шекараларды демаркациялау туралы келісім сынды маңызды тарихи құжаттарға қол қойылуы екіжақты қарым-қатынасты сапалы деңгейге көтергенін атап өтті.

Қазақстан Президенті Италия Рес­пуб­ликасымен сауда-экономикалық байланыстардың дамып келе жатқанына ерекше тоқталды. «Италия Қазақстанның сауда саласындағы әріптестерінің үздік үштігіне кіреді және бұл көрсеткіш бойынша Еуроодақ елдері арасында бірінші орын алып отыр. Сондай-ақ Италия – еліміздің экономикасына қаржы құ­йып отырған ірі инвесторлардың бірі. Қазақстан Италиямен жан-жақты ынты­мақ­тастықты, соның ішінде инновация­лар мен озық технологиялар саласын­дағы байланыстарды одан әрі дамытуға ниетті», деді Мемлекет басшысы.

Соңында Нұрсұлтан Назарбаев дипломаттарды тағы да құттықтап, екіжақты қарым-қатынастарды нығайту жолындағы қызметтеріне табыс тіледі.

 

Динара БІТІК,

«Егемен Қазақстан»

 

СОҢҒЫ ЖАҢАЛЫҚТАР

26.09.2018

СДУ әлемге танылған бүркітші Айшолпанға 100% білім грантын ұсынды

26.09.2018

Мырзашөлде «Ақ керуен-2018» салтанатты іс-шарасы өтті

26.09.2018

Мемлекеттік қызметшінің жалақысы жаңаша төленеді

26.09.2018

Ақтөбелік аграршылар 500 мың тоннадан астам бидай жинауды жоспарлап отыр

26.09.2018

Бақыт Сұлтанов 7 жасар баланы құтқарған астаналықты марапаттады

26.09.2018

Бала құқықтары жөніндегі уәкіл С.Айтпаева тұрғындарды қабылдады

26.09.2018

Michael Kors Versace сән үйін сатып алады

26.09.2018

Ақтөбе облысында тұрақтандыру қорын құруға 309 млн теңге бөлінді

26.09.2018

Мұхамеджан Тынышбаев пен Тұрар Рысқұловтың ескерткіші ашылды

26.09.2018

Атырау облысының әкімі халықтан түскен шағымдарға уақтылы жауап беруді тапсырды

26.09.2018

Бүгін WSB-ның финалы өтеді

26.09.2018

Аса ауыр салмақтағы дзюдошыларымыз жеңілді

26.09.2018

Astana Media Week: Қазақстан телеарналары шетелдік экрандарда

26.09.2018

Қазақстанның тумасы суперчемпион атағы үшін айқасады

26.09.2018

Бокстан қыздар арасындағы әлем чемпионаты Үндістанда өтетін болды

26.09.2018

«Астана Опера» сахнасында «Астана – Әлем дауысы» халықаралық фестивалі ашылады

26.09.2018

Қостанайда төртінші Цифрлы ХҚО ашылды

26.09.2018

Семей ядролық сынақ полигонының жағдайы ғылыми басқосуда талқыланды

26.09.2018

Конуэй қалашығы су астында қалып отыр

26.09.2018

Қазақстанда неміс технологияларын қолдануды жоспарлап отыр

ТАҒЫ ЖҮКТЕУ
КОЛУМНИСТЕР

Құрманәлі Қалмахан,

Jańa mamandyq jaıy

«Erinbe. Eńbek et, mal tap» degen sózdi Abaıdan keıin ata-analarymyz jıi aıtatyn. Alaıda áleýmettanýshylar eńbek etý men tabysty bolýdyń mazmuny men shynaıylyǵy ózgerdi degendi alǵa tartady. Al eńbektiń formýlasy jumys isteý, kásip ashyp, tabys tabý ekeni belgili. 

Сұңғат ӘЛІПБАЙ, «Егемен Қазақстан»

Tirshilikti mádenıet bıleıtin qoǵam

Osy ýaqytqa deıin jeke adamnyń tirshiligin, turmys jaǵdaıyn onyń bilimi men eńbekqorlyq qasıetiniń bılep kelgendigi belgili. Adamdar kóp jaǵdaıda qoǵamnan bilimine saı oryn alyp otyrdy. 

Асан Мирас,

Ulaǵat pen muraǵat

Qaıǵyly ólimi qalyń jurttyń qabyrǵasyn qaıystyryp, qyrshyn ǵumyry qıylǵan óner, mádenıet, sport sańlaqtary qaı ultta bolsyn az emes. Ondaı has talanttardy halyq eshqashan umytpaıdy. Talanttardyń fánıdegi taǵdyry kelte bolǵanymen, halyqtyń júregi men jadyndaǵy ǵumyryn myńjyldyqtarmen ólsheýge bolady. Aıtalyq, áıgili grek ańyzyndaǵy aıbyndy batyrlar Ahılles pen Gektordyń esimderi dáýirlerden dáýirlerge kóshe júrip, ult sanasynda jarqyrap ǵumyr keshýde. Ańyzdyń epıloginde aıtylǵandaı, keıingi urpaq tıtandardy máńgi eske tutatyn bolady. Tipti, grektiń búkil tarıhy áli kúnge deıin ataqty Gektor men Ahıll shaıqasyna baılanysty óriledi. Biz muny nege aıtyp otyrmyz? Qaı ult bolmasyn, esimi elge eleýli tulǵalaryn este qaldyrýdyń esti joldaryn ustanady. Qazaq tarıhyn aqtarsaq ta, ádebıet betterin paraqtasaq ta túrli klassıkalyq joqtaý úlgilerine jolyǵatynymyz sózsiz. Joǵarydaǵy dańqty grek batyry Ahıllestiń de atyn aqıqatqa bergisiz asqaqtatqan áıgili Gomer abyz. 

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу