С.Сүлеймен заң бойынша оларды шешуге балама әдістерді: медиация, партисипатив (адвокаттар жүргізетін келісім рәсімі) қолдануға жол берілген 2017 жылы сотта қаралған істердің тек 5,5 % медицияны, 0,1 % партисипативтік рәсімдерін қолданумен аяқталғанын атап өтті.
Татуласу рәсімдерін қолданудың төмен деңгейде болуының себебі халыққа бұл рәсімдер туралы ақпарат беруге бағытталған кешенді жұмыстың жүргізілмеуінде, адамдар дауды бітіммен шешу тәсілдерін білмейді, келісімдердің орындалатынына сенім жоқ.
Спикер ең көп тараған даулардың ішінде – отбасылық дауларға қатысушылардың назарын аударды. Бұл даулардың салдарынан отбасылар бұзылып, балалар әке не шешенің тәрбиесін толыққанды алмайды.
Татуласу рәсімдері осындай және басқа да дауларды нәтижелі шешуге мүмкіндік береді. Мұны Астана қаласы Сарыарқа аудандық сотында жүзеге асырылып жатқан татуласу рәсімдерін дамытуға бағытталған жобада айқындап отыр. Осы жылдың 14 наурызынан бері татуласу рәсімдерін жүргізетін судьяға түскен істердің 19 % медициялық келісімге келумен аяқталған.
Осыған орай, қоғамдағы даукестіктің деңгейін төмендету мақсатында дауларды татуласу рәсімдерімен шешуді көбейту қажет. Жобаның бұл мақсаты еліміздің рухани жаңғыруға бағытталған стратегиялық бағдарламаларынан туындайды.
Халықтың татуласу рәсімдерін қолдану мүмкіндіктерін арттыруға онда дауларды шешуге көмектесетін медиаторлар, адвокаттар, психологтар, басқа кызмет түрлері көрсетелетін татуласу орталықтарын ашу жағымды әсерін тигізеді.
Жоба бойынша кешенді жұмыстар нәтижесінде дауларды шешудің мәдениеті қалыптасады, моральдық және материалдық шығындар азаяды; даукестіктің деңгейі төмендейді және құқық бұзушылықтың алдын алуға болады.
