«Армияда 10 жыл болдым, оның 4 жылы Шығыс Пруссиядағы соғыста өтті. Бұл соғыс туралы не айтуға болады? Өзіме қымбат жолдастарымның бәрі есімде. Мен Шығыс Пруссиядан Пе-2 ұшағымен ұшып, сол жерде ауыр жарақат алғандықтан, жүре алмай қалдым. Маған белорус Татьяна Новикова деген қыз күтім жасады. Содан біраз уақыт өткен соң мен үйге ата-анама Татьянаға үйленуге рұқсат беріңдер деп хат жаздым. Ата-анамнан рұқсат бергені туралы хат алдым, бірақ оны Бесқарағай ауданына алып кел деді. Мен онымен сөйлесіп келістім де, Шығыс Қазақстан облысына алып келдім. Ол осында қазақ тілі мен әдет-ғұрпын, салт-дәстүрін үйреніп алды. Анам ауырып, жүре алмай қалған кезде күтімді Татьяна жасады, ол сондай ғажап жан еді», – дейді майдангер өзінің соғыс туралы тарихын баяндап.
Әсет Исекешев ардагерге сыйлық табыс етіп, ерлігі үшін алғыс айтты.
«Төбеміздегі тұнық аспан үшін сіздерге көп рахмет. Сіздер 4 жыл бойы қаншама қиындықтардан, өздеріңізге қымбат адамдарды жоғалту сәттерін бастан өткердіңіздер. Жыл сайын ардагерлер азайып барады, біз арамыздағы әрбір батырға алғыс айтамыз, бағалаймыз. Біздің міндет – сіздерді көзіміздің қарашығындай сақтап, ертеңгі ұрпаққа ерліктеріңіз туралы айтып қалдыру. Сіздерге және жақындарыңызға зор денсаулық тілеймін», – деді әкім.
94 жастағы Михаил Петрович Кочетков Батыс құрамында үшінші Беларусь және бірінші Прибалтика соғысында шайқасты. Жеңіс күнін Шығыс Пруссиядағы Кенигсберг түбінде қарсы алды.
Ардагер қала әкіміне соғыстың қиындықтары туралы айтып берді, соңынан мемлекеттің үнемі қолдап келе жатқандығына ризашылығын білдірді.
«Соғыстың бітуін неміс жерінде қарсы алдық. Бізге окоптан шығыңдар, немістер берілді, соғыс бітті деп айтқаны есімде қалыпты. Ол кезде сенген де жоқпын, – деді ардагер. Бірақ кейін жайлап-жайлап окоптан шыға бастадық, расында ешкім оқ атпады. Бір-бірімізді құшақтап құттықтай бастадық. Жалпы, жастарды Отанды қорғауға, бейбітшіліктің қадірін біліп, елдің игілігіне жұмыс істеуге шақырамын. Қазір барлығы тез дамып барады, бір орында тұрып қалмайды, жаңа астанамыз бар. Сондықтан тек қана алға ұмтылу қажет, ол үшін барлық жағдай жасалған», – дейді Михаил Петрович.
Айта кетейік, қазір Астанада ҰОС-ның 93 ардагері тұрады. Жеңіс күні қарсаңында әрбір қатысушыға бір реттік 511 135 теңге көлемінде материалдық көмек беріледі. Бұдан басқа, жеңілдіктер мен кепілдік бойынша Ұлы Отан соғысының мүгедектері мен қатысушыларына теңестірілгендерге 21 645 теңге (9 АЕК) төленеді. Соғыс жылдары ҰОС ардагерлерінің қайтыс болған жесірлері, жеңiлдiктер мен кепiлдiктер жағынан соғысқа қатысушылар мен мүгедектеріне теңестiрiлген адамдардың басқа санаттарына, әскери жылдардағы тыл еңбеккерлеріне – 10 823 теңгеден (4,5 АЕК) беріледі.
