«Мектебіме тағзым» бағдарламасы аясында Бақауовтар мектепке «Teacher office» сыйға тартты. Жаңа үлгідегі мұғалімдер бөлмесінде компьютерлік техника, интернет, демалыс бұрышы бар. Сондай-ақ, жасыл желек қарағайдың ондаған көшеттерін отырғызды.
-Балаларды заманауи технологияларға үйрету үшін мұғалімдердің өздері өзгерулері қажет. Ақпаратты өңдеуді үйреніп, жаңа бастамаларға дайын болулары тиіс. Біздің міндетіміз – педагогтар мен оқушылардың нәтижелі жұмысы үшін барлық жағдайлар жасау,- деп атап өтті Болат Бақауов.
Кездесу барысында облыстық білім беру басқармасының басшысы Дінислам Болатханұлы ағайынды Бақауовтар жеке қаражаттарын білім беру саласына бөліп тұрады. 2017 жылы «Мектебіме тағзым» бағдарламасы аясында олар мектепке хоккей кортын, футбол алаңын, тренажерлік аймақ және воркаут алаңын сыйға тартқанын айтып өтті. Меценаттарға педагогтар мен оқушылар атынан алғыс айтты.
Фарида Бықай,
«Егемен Қазақстан»
Павлодар облысы,
Железин ауданы
Суретті түсірген: Айгүл Есенәлі
