Астана экономикалық форумы туралы сарапшылар пікірі

Романо ПРОДИ, 
саясаткер, Италияның экс-премьер-министрі, Еурокомиссияның бұрынғы президенті

Ол Италиян­ың өнер­­кәсіп, сауда және өндіріс ми­нистрі, Өнеркәсіптік рекон­струкциялау институтының президенті, Италия Демократиялық партиясының прези­денті, Италияның Министрлер кеңесінің төр­ағасы қызметін атқарған. Романо Проди премьер болған тұста Италия үкіметі ел экономикасының бәсекеге қабілеттілігі мен өсімін тұрақтандыруға негіз болған маңызды реформаларды жүзеге асырды.

Михаил ДЖАНЕЛИДЗЕ, 
Грузия премьер-министрінің орынбасары, сыртқы істер министрі

М.Джанелидзе танымал бизнесмен, Грузия­ның экономика және тұрақты даму министрінің орынбасары, сыртқы істер министрі қыз­меттерін атқарған. Еуропамен еркін сау­да жасасу жөнін­дегі келісімге қол жеткізу үшін Гр­у­зия тарапының негіз­гі ке­ліссөз жүргізу­шісі болған.  

Тигран САРГСЯН, Жоғары Еуразиялық экономикалық комиссия алқасының төрағасы 

Белгілі саясаткер, экономист ға­­­лым, экономика ғы­лым­дарының ка­н­­дидаты. Ар­ме­­ния Жоғары ке­ңе­сі­нің депутаты, Армения Жоғары кеңе­­сінің қаржы, несие және бюджеттік мәселелер жөніндегі тұрақты комиссиясының төрағасы, Армения Банктер ассоциациясының президенті, Армения Орта­лық банкінің төр­ағасы, Арменияның премьер-министрі, Ар­ме­нияның АҚШ-тағы Төтенше және өкілетті елшісі қызметін атқарған. 2016 жылдың 1 ақ­панынан Жоғары Еуразиялық экономи­калық комиссия алқасының төрағасы. 

Идрис ДЖАЛА,
Малайзия үкіметінің бұрынғы министрі, PENANDU бас директоры

И.Джала Ма­лай­зия ғылым уни­верситетін, Ұлы­британия Уорк уни­­верситетін бі­тірген. Shell Retail International компаниясында вице-президент, Малайзия үкіметінің министрі қызметін атқарған. 2009 жылы құрылған Малайзия Премьер-министрі­нің кеңсесі жанындағы арнайы мемлекеттік құрылым – Мемлекеттік аппаратты басқару және жүзеге асыру департаментінің бас директоры. 

Карло КАСТЕЛЛИ, 
AECOM қалалар дизайны мен стратегиялық жоспарлау директоры

Танымал сәу­лет­­ші әрі жобалау­шы. Ол бас­шы­лық қыз­мет атқа­ратын AECOM – аме­ри­ка­­лық инжинирг компаниясы әлемнің 160-тан астам қаласында дизайн, құрылыс және инфрақұрылымды басқару саласында жұмыс істейді. Компанияда 87 мыңнан астам адам еңбек етеді. AECOM компаниясы Fortune журналының тізіміндегі үздік салалық 500 компанияның арасында 161-орында тұр. 2015 жылы аталған компания дүние жүзіндегі ең беделді салалық компаниялардың санатында бірінші орынды иеленген.