«Рухани қазына» фестивалінің үздіктері анықталды

Осы орайда, «Үздік облыс һәм аудан (қала) музейі және қызметкері» номинациясы бойынша 53, тағы бір аталым – «Үздік облыс һәм аудан (қала) кі­тапханасы және қызметкері» бойын­ша 61 үміткер сайысқа түскен еді. 

Кеше Ұлттық музейде жоға­ры­дағы мәдениет бәйге­сі­нен үздік шыққандарды марапаттау рәсімі өтті. «Үздік облыстық му­зей» аталымына Алматы қа­ла­­сындағы Ы.Дүкенұлы атын­дағы музыкалық аспаптар му­зейі мен Маңғыстау облыс­тық тарихи-өлкетану музейі ие болса, екінші аталым «Үздік аудандық (қалалық) музей» мәртебесін Батыс Қазақстан облысы, Сырым ауданы, Сырым Датұлы атындағы тарихи-өлке­тану музейі жеңіп алды.

Үшінші аталым «Үздік облыс­тық музей қызметкері» ата­ғына Жамбыл облыстық та­ри­хи-өлкетану музейінің қыз­мет­кері Жұлдыз Алманқұлова мен Қостанай облыстық тари­хи-өлкетану музейінің қыз­мет­кері Нәзима Оташева лай­ық деп танылса, «Үздік аудан­дық (қалалық) музей» ата­ғы Ақмола облысы Ілияс Есен­бер­лин атындағы әдеби музейге бұй­ырды. 

Келесі «Үздік облыстық кі­тап­­хана» аталымына Пушкин атын­дағы Шығыс Қазақстан облыстық кітапханасы, «Үздік аудан­дық (қалалық) кітап­ха­на» мерейіне Павлодар облы­сы Шарбақты ауданының орта­лық­тан­дырылған кітапханалар жү­йе­сі мен Ақтөбе облысы Ыр­­ғыз аудандық орталық­тан­ды­­­рыл­ған кітапхана жүйесі ие бол­ды. 

Соңғы аталым «Үздік ауыл­дық кітапхана» жүлдесіне Сол­­түстік Қазақстан облысы, М.Жұмабаев ауданы, Қара­қо­ға ауылдық кі­тап­ха­на­сы, «Үз­дік облыстық кіта­п­хана қыз­мет­кері» атағына Қарағанды об­лыстық әмбебап ғы­лыми кі­тап­хана қызметкері Қайрат Рахим мен Астана қала­сы Орта­лық­тандырылған кітап­ха­­налар жүйесінің қызметкері Сәуле Рахметова қол жеткізсе, «Үздік ауылдық кітапхана қыз­­меткері» атағы Оңтүстік Қазақ­с­­тан облысы, Төле би аудан­дық Қайнар ауылдық кі­тап­хананың кітапханашысы Нұр­жа­мал Шажалықызы мен Қы­зыл­ор­да облысы Шиелі ауда­ны орта­лық­тандырылған кі­тапхана кі­тап­ханашысы Дүй­сен­күл Шомановаға бұйы­рды.  

Бекен ҚАЙРАТҰЛЫ,

«Егемен Қазақстан