Жекпе-жек • 28 Мамыр, 2018

Елдос Сметов Гран-при жарысында топ жарды

155 реткөрсетілді

Дзюдо спортынан Токиода өтетін жазғы Олимпия ойындарына лицензиялық іріктеу кезеңі басталды. Олимпиадаға ұпай беруші алғашқы турнир Қытайдың Хоххот қаласында өткен әлемдік Гран-при кезеңі болды. Дүбірлі додаға әлемнің 49 елінен 385 дзюдошы қатысқан. Байрақты бәсекеде ел намысын 13 дзюдошымыз қорғады.

Жарыстың шымылдық ашар күні дзюдошыларымыз үшін сәтті басталғанымен, бәсекенің қалған күндері отандастарымыз тұғыр биігіне көтеріле алмады. Доданың алғашқы күні Ұлттық құрама сапынан татамиге шыққан төрт балуанымыз үш медаль олжалады. 60 килода белдескен Рио Олимпиадасының күміс жүлдегері Елдос Сметов пен Ғұсман Қырғызбаев финалға дейін қарсылас шақ келтірмей, екеуі финалда жолықты. 
Елдос Сметов жарыс жолындағы алғаш­қы белдесуін жапониялық Юма Оши­маны қосымша уақытта (голден скор) вазари ұпайы­мен, екінші айналымда ресейлік Роберт Мшвидобадзені уақытынан бұрын таза жеңіп, жартылай финалға жолдама алды. Жартылай финалда Бразилия дзюдо­шы­сы Пелим Фелипені иппон ұпайымен ұтып, финалға шықты.

Ал Ғұсман Қырғызбаев финалға дейін жеңіліссіз үш кездесу өткізді. Алғашқы бел­де­суінде солтүстіккореялық Пае Донг Жон­гпен кездесіп иппонмен жеңсе, екінші бел­десуінде әлем және Азия чемпионы моңғолиялық Ганбад Болдбаатардан басым түсті. Жартылай финалда тағы бір моң­ғолиялық балуан Амартувшин Даш­да­ва­аны уақытынан бұрын иппон ұпайы­мен қапы қалдырып, шешуші кезеңге жолдама алған-ды.

Екі қазақ оғланы кездескен финалдық сайыста Елдос Сметовтің бағы жанып, Гран-при жеңімпазы атанды. Ғұсман Қырғызбаев болса күміс медальды қанжығалады. Ал 66 кило салмақта жарыс жолына шыққан Елдос Жұмақанов ел қоржынына қола медаль салды. Ол бес кездесу өткізіп, тек біреуінде, жартылай финалдық жолдама үшін күресте германиялық Себастян Сейдлге есе жібер­ді. Ал жұбаныш финалын­да Абдулла Абду­жа­лиловты вазари ұпайымен жеңіп, қола жүлдені жеңіп алды. 66 килода белдескен тағы бір балуанымыз Ерлан Серікжанов жартылай финалда Рио Олим­пиадасының күміс жүлдегері моңғо­лия­лық Ан Ба Улдан жеңіліп қалды.

Гран-при жарысының үшінші күнінде татами төріне Қазақстан құрамасынан Бекәділ Шаймерденов (73 кг), Жансай Смағұлов (73 кг), Дидар Хамза (81 кг) және Азиз Қалқаманұлы (81 кг) көтерілді. Бұл дзюдошылар арасынан Жансай Смағұлов қана жұбаныш белдесуіне дейін жетті. Медальға жолдама берер сында Смағұлов ресейлік балуаннан айласын асыра алмады. Ал қалған балуандарымыз екінші белдесуден әрі асқан жоқ. 
Соңғы жарыс күнінде 90, 100 және +100 кило салмақтағы балуандарымыз жүлде үшін белдесіп көрді. Жыл басында Тунисте өткен Гран-при жарысында топ жарған Ислам Бозбаев (90 кг) бұл жолы екінші айналымда жеңілді. Бірінші айналымда Иран балуанын жеңгенімен, екінші айналымда түрікменстандық балуанға есе жіберді. Сонымен қатар 100 килода сынға түскен Виктор Демьяненко да екінші айналымнан аса алмады. 
+100 кило салмақта белдескен Санжар Жабборов пен Ерасыл Қажыбаев бірінші ай­на­лымнан сүрінбей өткенімен, екінші ке­зеңде қарсыластарына есе жіберіп қойды. Жаб­боров корей балуанынан жеңілсе, Кажы­баев Иран балуанынан ұтылды.

Қазақстан құрамасы жалпы командалық есеп бойынша 49 елдің ішінде бір алтын, бір күміс және бір қола медаль еншіледі. Медаль саны бойынша бес алтын олжалаған Жапония құрамасының балуандары көш бастады.

Баннер
Соңғы жаңалықтар

Багаев көрмесі Қостанайға келді

Руханият • Бүгін, 18:01

Әрбір донор – батыр

Медицина • Бүгін, 17:07

Дарынды түлек Дарина

Қазақстан • Бүгін, 15:36

Арыста медициналық штаб құрылды

Аймақтар • Бүгін, 13:23

Дзюдошылар үш жүлде алды

Спорт • Бүгін, 12:43

Көкке қол созған саңлақ

Қоғам • Бүгін, 10:18

Қараша қазға қамқорлық

Қазақстан • Бүгін, 10:16

Қаламгерлер арасындағы турнир

Қазақстан • Бүгін, 10:14

Айбынды жастар анықталды

Қазақстан • Бүгін, 10:10

«Ақбас» тұқымынан артығы жоқ

Аймақтар • Бүгін, 10:04

Электронды сауда қызып келеді

Қазақстан • Бүгін, 10:01

Тіл – ортақ, тілек – бір

Қоғам • Бүгін, 09:55

Серт пен сенім

Президент • Бүгін, 09:35

Елден елдің несі артық?

Қоғам • Бүгін, 09:28

Жаңа технологиялық соғыс

Әлем • Бүгін, 09:21

Ұқсас жаңалықтар