Парламент • 28 Мамыр, 2018

Кәсіпкерлерге қысастық жасалып отыр

241 рет
көрсетілді
2 мин
оқу үшін

Мәжілістегі «Ақ жол» ҚДП фрак­циясының депутаттары мемлекеттік сатып алуларда кәсіп­керлерге жасалатын қы­сас­тықтар туралы талай рет айт­ты. 

Кәсіпкерлерге қысастық жасалып отыр

Бірақ бұл мәселе бәрібір то­лық шешілер емес, көптеген ме­моргандар өздерінің жаб­дық­­тау­шы­ларының мүддесін қорғап, заңнаманың нормаларын бұзуда. Мәселен, Шығыс Қазақстан облысындағы «Өс­ке­мен қаласының қаржы бөлі­­мі» МК өздерінің жаб­дық­­тау­­шысын конкурс­та жең­гізудің жаңа жолын тап­қан. Бағасы 9 млрд тең­геден ар­тық тұратын тапсырысты (трансформаторлық қосалқы стансалар құры­лысы) айрықша тәртіпті қол­дану арқылы мем­лекеттік сатып алулардың элек­трондық порталы арқылы өт­кізген. Осы орайда олар айрықша тәртіпті қолдану – ұлттық қа­уіпсіздік пен құқық қорғау органдары немесе қыз­мет­тік ақпараттарды шекті кө­лем­де ғана тарататын мем­лекеттік құпияға қатысы бар қыз­меттердің құрылысын салуға ғана қатысты екенін ес­кер­меген. Тіпті айрықша жағ­­­дай­лар мемлекеттік сату­дың веб-порталына салын­байтындығы туралы 2015 жыл­дың 31 жел­тоқсанында қабыл­данған Үкіметтің Қаулысын да көзге ілмеген.

Кәсіпкерлердің шағымына бай­ланысты «Ақ жол» ҚДП Қар­жы министрлігіне қай­ы­рылған еді, оның ішкі аудит қызметі тексеріп, айрықша тәр­тіпті қолданудың заң бұзу­шы­лық екенін анықтады. 

Осындай жағдай ОҚО Шар­дара аудандық әкім­дігінде де орын алған. Онда Шардара су қой­масының жаға­лауындағы ғима­рат­ты балалардың са­уық­­тыру лагеріне жалға алу үшін өткізілген тендерде жет­кі­зушіге қойы­латын та­лап­­тардың ара­сында қыз­мет­керлердің саны 37-ден (неге нақ 37?) кем болмауы, олардың жатын орын­да­рының болуы, асхана 100 балаға және 37 қызметкерге арналуы және т.б. талаптар қо­йылған. Қызметкерлердің бәрі­нің лагерьде жатып-тұруын мін­деттеудің қандай қажеттігі бол­ғанын ешкім де түсінбейді. Сонымен бір­ге өрт сөндіру мен электр жаб­дықтарының сапасы емес, мо­делінің қандай болуы тиіс екені талап етілген. Ал осы конкурста жеңімпаз болған ұйымға ұсынылуға тиісті сома сатып алудың жоспарында 5,3 млн теңге болса, енді оның неліктен 4,5 млн. теңгеге аза­йып қалғаны да түсініксіз. 

Бас прокурор Қайрат Қо­жам­жаров пен Қаржы министрі Бақыт Сұлтановтың атына жол­данған депутаттық сауалымызды аталған мәселеге қатысты ар­найы тексеріс жүргі­зіп, тиісті ша­ралар қол­дану сұралып отыр. 

Кеңес АБСАТИРОВ, 
Мәжіліс депутаты