Қарағандыда қоғамдық кеңес құрылды

Кеңестің «Нұр Отан» пар­тия­сының облыстық филиалында өткен алғашқы жиынында Қарағанды облысының әкімі Ерлан Қошанов жаңадан құрылған ұйымның мақсатына тоқталып, оның алдында тұрған міндеттер жайын сөз етті. 

– Осы жылдың ең маңыз­ды шараларының бірі «Прези­дент­тің бес әлеуметтік бастамасы» атты халыққа Үндеуі болды. Әр бастама – біздің азаматтардың жағдайын жақсартуға жасалатын қадам, – деді өңір басшысы. – Бұл құжат шыққан сәттен бастап Елбасы «Нұр Отан» партиясына осы әлеуметтік бастамалардың орындалу барысын бақылауды тапсырды. Қазақстан халқы Ассамблеясының сессиясында Президент «Нұр Отан» партия­сы Ассамблеяның қатысуы­мен әлеуметтік бастамалардың жүзеге асырылуына қоғамдық бақылау жасайтынын атап айтты. 

Бүгінде Қарағанды аймақтық кеңесі жұмысқа кіріскен. Оның төрағасы ретінде облыстық мәс­ли­хаттың депутаты Серғазы Әде­кенов тағайындалды, хатшысы – «Нұр Отан» партиясының об­­лыс­тық филиалы саяси жұмыс бөлі­мінің меңгерушісі Бағыжан Сәдір­бекова. Келешекте нақты ба­ғыт­тармен айналысатын жұ­мыс топтары құрылатын болады. 

Облыста қазірдің өзінде әрбір әлеуметтік бастамаларды жүзеге асыру бойынша дайындық жұ­мыс­тары жүргізіліп жатыр. Шағын несиелеуге 2018 жылы аймақта 5,7 млрд теңге қарас­тырыл­ған. Студенттер қауы­мы ара­сында жатақханаға мұқ­таж­­дардың қажеттіліктері анық­талған – олардың саны 2700­ орын­нан асады. Биыл­ғы жылы колледждердің жатақ­ханаларына арналып үш ғи­марат қайта қалыпқа келті­ріледі. 2019 жылы 4 студенттік жатақхана салу жос­парланып отыр. 

Қоғамдық кеңес мүшелері «Сарыарқа» газ құбыры магис­т­ра­лінің жобасын да назар­ға ал­ған. Себебі газ құбырының басым бөлігі Қарағанды облысы ар­қылы өтеді. 

Газ саласының арда­гері Ген­на­­дий Овчаров «Қара­ған­дыОблГаз» мамандан­дырыл­ған кә­сіпорнын құруды ұсынды. Қара­ғанды облысы кәсіпкерлер қауым­дастығының президенті Нико­лай Абт газ саласына қажетті құрылғыларды жасап шығара ала­тын жергілікті зауыттардың мүд­делерін алға тартуға кеңес берді.

– Біз сөзден іске көшіп, жұ­мыс­қа білек сыбана кірісуді бас­та­дық деп айтуға болады. Бізді ал­ды­мызда қыруар жұмыс күтіп тұр. Бүгін де көптеген жақ­сы пай­далы ұсыныстар жасал­ды. Ола­рды жүзеге асыра бастай­мыз. Қо­ғамдық кеңес тек Елба­сы баста­мал­арының орындалуын ғана бақы­лап қоймайды. Ең бас­тысы – бар­лық күштерді бірік­ті­ру және әр бағыттағы жұмыс­тар­дың орындалуына жауапты құ­ры­лымдарға нақты көмек көр­­сету, – деп қорытындылады жиын­ды облыс әкімі Ерлан Қошанов. 

Қайрат ӘБІЛДА,
«Егемен Қазақстан»

ҚАРАҒАНДЫ