Медицина • 28 Мамыр, 2018

Зейнетақы қоры Telegram-бот қызметін іске қосты

101 реткөрсетілді

Бірыңғай жинақтаушы зейнетақы қоры танымал Telegram мессенджері үшін өзінің ботын іске қосты. Пайдаланушылар жаңа қызметтің көмегімен қысқа үзінді-көшірме алу немесе үзінді-көшірмені электрондық поштасына жіберу, Жеке кабинетке кіру паролін қайта қалпына келтіру, Қордың маңызды жаңалықтары мен ағымдағы көрсеткіштерімен танысу және оның ең жақын бөлімшесін табу мүмкіндігіне ие болады.

Одан басқа, бот негізгі валюталардың (АҚШ доллары, еуро, рубль) ағымдағы бағамын хабарлайды, сонымен қатар жол қозғалысы ережесінің бұзылуына қатысты айыппұлдың бар-жоғын тексеріп, БЖЗҚ ұялы қосымшасын жүктеуге сілтеме жасайды. Алдағы уақытта боттың көрсететін қызметін кеңейтіп, барынша пайдалы және ыңғайлы ету жоспарлануда. 

Аталған қызметтерді пайдалану үшін ботты мессенджерге қосу керек. Бұл үшін іздеу жолағына «enpfbot» атауы енгізіледі. Алғаш іске қосқанда пайдаланушыларға қызмет көрсету тілі ретінде мемлекеттік немесе орыс тілін таңдау ұсынылады. Кейін оны негізгі мәзірде ауыстыруға болады.

Еске сала кету керек, өткен жылдың сәуір айында Қор Telegram мессенджерінде ресми @enpfkz арнасын іске қосқан-ды. Оған жазылған пайдаланушы Қазақстан Республикасының жинақтаушы зейнетақы жүйесі мен БЖЗҚ қызметі туралы маңызды ақпараттар ала алады.

Айнаш ЕСАЛИ,

«Егемен Қазақстан».  

АЛМАТЫ

Баннер
Соңғы жаңалықтар

«Дүние»-бақтың жемісі

Руханият • Бүгін, 10:33

Сипаты бөлек «сыпайылық»

Руханият • Бүгін, 10:07

«Құныскерей» – құнды еңбек

Руханият • Бүгін, 09:53

Қазақ тарихының қасіреті

Руханият • Бүгін, 09:44

Ертегілік ес әлемінің өкілі

Руханият • Бүгін, 09:37

Қаламгер мен Қаһарман

Руханият • Бүгін, 09:31

Заманымыздың Білге Қағаны

Руханият • Бүгін, 09:22

Ұқсас жаңалықтар