Солтүстік Қазақстанда саяси қуғын-сүргін құрбандарын еске алды
408 рет
көрсетілді
1 мин
оқу үшін
С. Мұқанов атындағы ғылыми-көпшілік кітапханада «Тарихтан тағылым–өткенге тағзым атты кеш өтіп, сталиндік нәубат құрбандары еске түсірілді. Қаралы кезеңнің азалы сергелдеңі, азапты күндері жайлы жүрек ауыртар небір сырлар шертілді.
Тарихи-өлкетану музейінің қызметкері Ирина Горбацевич келтірген деректер бойынша Қазақстанда100 мыңға жуық адам саяси қуғын-сүргінге ұшыраса, төрттен бірі ату жазасына кесілген. Өңірде 7 мыңдай тұрғын небір зобалаңды бастан кешсе, 1465-нің түбіне қорғасын оқ жеткен.
«Елімізде 20-дан астам лагерьлерге адамдар еш жазықсыз қамалып,өмірдің де, тұрмыстың да ауыр тауқыметін тартты. Қызылжар өңірінде бес түрме болды», дейді И. Горбацевич.
«Память» қоғамдық ұйымының бастамасымен осыдан бірнеше жыл бұрын саясиқуғын-сүргін құрбандарына арналып үлкен ескерткіш мемориал орнатылып, аты-жөндерітасқа қашап жазылғанболатын. Қазір бұл жер аруақтарға тағзым етілетін, құшақ-құшақ гүл шоқтары қойылатын қсиетті орынға айналған. Кеш барысында Сәкен Сейфуллиннің, Мағжан Жұмабаевтың жас буынды елді, жерді сүюге үндейтін, ұлтжандылыққа шақыратын өлең-жырлары оқылды.
