Нұрсұлтан Назарбаев Қытайдың бизнес капитандарымен кездесті

Мемлекет басшысы Нұрсұлтан Назарбаев Қытайға мемлекеттік сапары аясында осы елдің бизнес капитандарымен кездесті. 

Егемен Қазақстан
08.06.2018 1782
Фото: inform.kz

Кездесу барысында Президенті Қазақстан ұлттық компанияларды Гонконг пен Шанхай биржаларына шығару мүмкіндігін қарастырып жатқанын айтты. 

«Біз ауқымды жекешелендіру жүргізіп жатырмыз. Тау-кен өндіру, металлургия, көлік және басқа да салалардағы кәсіпорындардың активтері сатылымға шығарылады. Таяу жылдардың ішінде біз «Қазақтелеком», «Эйр Астана», «ҚазМұнайГаз», «Қазақстан темір жолы», «Қазпошта» сынды ірі ұлттық компанияларды ІРО-ға шығаруды жоспарлап отырмыз. Біз нысандарға қатысты мәміле жасауда барынша тартымды ұсынысты айқындау үшін  шетелдік инвесторлар тарапының сұраныстарын зерделеудеміз», - деді Нұрсұлтан Назарбаев.

Бұл ретте Мемлекет басшысы ұлттық компанияларды сатып алушылар арасында азиялық нарық басымдыққа ие екенін баса айтты.

«Біз компанияларымыздың Гонконг пен Шанхайдың биржалық алаңдарына шығу мүмкіншіліктерін қарастырып жатырмыз. Бұған қоса, Шанхай биржасы  ендігі уақытта Астана халықаралық қаржы орталығының стратегиялық серіктесі саналады. Оны  ағымдағы жылдың  шілдесінде ашуды жоспарлап отырмыз және сіздерді қатысуға шақырамыз», - деді Елбасы. Сондай-ақ ол Қазақстанда бизнесті дамытудағы тиімді шарттарды атап өтті. 

«Бүгінде Қазақстан тиімді бизнес жүргізу үшін жаңа мүмкіншілктер мен үлкен әлеует болып отыр. Инвестициялық ахуалды жақсарту бойынша жұмыстар тұрақты жүргізіліп, кәсіпкерлік саласындағы заңнамалар ырықтандырылуда. Дүниежүзілік банктің «Doing Business» рейтингінде Қазақстан бүгінде 36 орында тұр. Біз ЭЫДҰ Инвестиция жөніндегі комитетінің ассоциаланған мүшесі болып саналамыз және Халықаралық инвестициялар жөніндегі декларацияға қосылдық», - деді Елбасы.

Президенті шетелдік инвесторлар мен бизнесмендермен өзара тиімді іс-қимылды жолға қою мақсатында арнайы KazakhInvest және KazakhExport компанияларының құрылғанын атап өтті.

«Металлургия, мұнай химиясы, машина жасау, азық-түлік өндірісі сынды басымдыққа ие салаларда инвестициялық жобаларды жүзеге асыру барысында корпоративтік, жер және мүлік салықтарынан босату қарастырылған. Мұндай салаларға шетелдік жұмыс күшін тарту квотасыз жүзеге асырылып, жер қойнауын пайдалануға лицензия алу және келісімшарттар жасасу шарттары жеңілдетіледі. Өйткені, бұл нысандар Қазақстанның индустриалды-инновациялық даму ұлттық бағдарламасының құрамына кіреді», - деді Нұрсұлтан Назарбаев.

Сонымен қатар Мемлекет басшысы елімізде 11 арнайы экономикалық аймақ, 24 индустриалды аймақ жұмыс істеп тұрғанын айтты. «Біз қытайлық компанияларды осындай тиімді шарттармен бизнесін дамытуға шақырамыз», - деді Елбасы.

Кездесу барысында Нұрсұлтан Назарбаев Қазақстанда агроөнеркәсіп кешеніндегі жобаларды жүзеге асыруға шақырды. «Аграрлық секторға айрықша назар аударамыз. Бұл ретте Қазақстанның мүмкіншіліктері орасан зор. Агроөнеркәсіп кешенін дамыту мемлекеттік бағдарламасы жүзеге асырылып жатыр. Ол ауыл шаруашылығы өнімдерін өндірушілер мен қайта өңдеушілерге мемлекеттік қолдауды қарастырады», - деп атап өтті Елбасы.

Президенттің айтуынша, бұл секторды дамытуда жаңа технологияларды енгізу арқылы өнімділікті арттыру және оны экспортқа шығару басымдық саналады.

«Біз соңғы жылдары алғаш рет Қытайға ауыл шаруашылығы өнімдерін экспорттай бастадық. Кешегі өткен келіссөздер барысында бұл сауда-саттықтың қарқынын арттыруды жалғастыра беретіндігімізді атап өттік. Қытайлық компанияларды агроөнеркәсіп кешеніндегі жобаларды белсенді жүзеге асыруға шақырамыз», - деді Нұрсұлтан Назарбаев. Сондай-ақ ол қытайлық компаниялардың Қазақстанда ІТ-стартап саласындағы жобаларды жүзеге асыруына қолайлы жағдай жасалатынын айтты. 

«Қазақстан экономикасын жедел жаңғыртуға және инновацияның жаңа технологияларын енгізуге бағыт алды. «Цифрлық Қазақстан» деп аталатын арнайы мемлекеттік бағдарлама жүзеге асырылуда. Осыған байланысты экономика салаларын цифрландыру, инновациялық экожүйені дамыту бойынша жобаларды жүзеге асыру маңызды», - деп атап өтті Елбасы.

Осы орайда Мемлекет басшысы елімізде Назарбаев Унивреситеті, Инновациялық технологиялар паркі сынды инновациялық кластерлердің жұмыс істе жатқандығын баса айтты.

«Ағымдағы жылы Астанада ІТ-стартаптар халықаралық технопаркі ашылады. Мұның барлығы да сіздермен ынтымақтастығымыздың келешегі зор алаңы бола алар еді. Біз қытайлық компаниялардың жұмысы үшін қолайлы жағдай жасауға дайынбыз», - деді Нұрсұлтан Назарбаев.

СОҢҒЫ ЖАҢАЛЫҚТАР

14.08.2018

Қара жолдың қасиеті

14.08.2018

Бұқар жырау Қалқаманұлының 350 жылдығына арналған көрме-байқауы өтті

14.08.2018

Қажымұқан көтерген тас

14.08.2018

Арал аумағында атқарылар шаруа көп

14.08.2018

«Хрущевкалардан» құтылудың тиімді тетігі

14.08.2018

Оқулық шығаруда олқылықтарға жол берілмеуі қажет

14.08.2018

Байзақ батыр кесенесі

14.08.2018

Жеті айдың қорытындысы бойынша экономикалық өсім 4% құрады — ҚР ҰЭМ

14.08.2018

Ұлы Абайдың туған күні тұңғыш рет Ташкентте тойланды

14.08.2018

Шәкәрімнің үш анығы

14.08.2018

Қолма-қол ақшасыз есеп айырысулар саны өсуде

14.08.2018

Цифрлы қаржы: тез, арзан, тиімді

14.08.2018

Дулат Исабековтің кітапханасы ашылды

14.08.2018

Бекболат Әдетов шыққан белестер

14.08.2018

Бес елдің мөрімен бекітілген құжат

14.08.2018

Курчатовта төрт жолақты бассейн салынады

14.08.2018

Инженерия үздіктері анықталды

14.08.2018

Ақтау саммиті әлем назарында

14.08.2018

АҚШ-тың Қазақстандағы елшісі ауысуы мүмкін

14.08.2018

Зейнетақымен қамсыздандыру заманға икемді ме?

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

Әлисұлтан ҚҰЛАНБАЙ, «Егемен Қазақстан»

Бесінші саммит және Каспий «бестігі»

Кеше Ақтау қаласында Каспий маңы мем­лекеттері басшыларының Бесінші саммиті өтті. Аса маңызды халықаралық жиынға Қазақ­станның, Ресейдің, Әзербайжанның, Иранның және Түрікменстанның президенттері қатыс­ты. Тараптар Каспий теңізінің құқықтық мәрте­бесі, теңізде экономика, көлік-транзит, эколо­гия, қауіпсіздік және басқа да салалар бойын­ша ынтымақтастық орнату мәселелерін талқылады. 

Қорғанбек АМАНЖОЛ, «Егемен Қазақстан»

Шалдың баласы

Қазақ менталитетінің өзіне тән тағы бір ерекшелігін айқындап, бекзат болмысын ажарлап әмбе сақтап келе жатқан әдет-ғұрыптарының бірі отбасындағы үлкен баланы, әсіресе ұлдың тұңғышын ата-әжесінің бауырына салу дер едік. Ол атасының баласы болып өседі. Шалдың баласы құдайдың еркесі, оны ешкім бетінен қақпайды. 

Жақсыбай САМРАТ, «Егемен Қазақстан»

Халық санының артуы – елге құт

Халық санының артуы Қазақстан сияқты жер көлемі үлкен, халық саны аз мем­лекеттерге ежелден маңызды мәселе­лердің бірі болып келеді. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу