Жақында Өскемендегі Пушкин атындағы облыстық кітапханада Шығыс Қазақстан облысы әкімінің қолдауымен Қазақстанның халық жазушысы Әзілхан Нұршайықов туралы замандастарының, достарының, жерлестерінің және әріптес қаламгерлердің естеліктер кітабы жарық көрді. Оны «Шығыс ақпарат» баспасы «Әз-аға» деген атпен көз тартатындай көрікті етіп шығарды.
Кітаптың тұсаукесеріне Ә.Нұршайықовтың немерелері, белгілі жазушы, филология ғылымдарының докторы, Әз-ағаның жанында ұзақ жылдар бірге жүрген Нұрдәулет Ақыш, ақын-жазушылар қатысты. Жиында өңір басшысы Бердібек Сапарбаев:
– Елбасы Н. Назарбаев халқымыздың дара жазушысы Әзілхан ағаны ерекше құрметтейтін. «Әз-аға» – нағыз халық жазушысы еді. Оның әрбір туындысын жұртшылық қызыға оқитын» деп Ұлт көшбасшысы атап көрсеткен болатын. Ендеше, Әз-ағаң туралы бұл естелік кітабы құнды дүние. Күні кеше Азия ойындарында жасы 90-ға аяқ басса да туған еліне келіп, басын иді. Аманшылық болса, келер жылы жазушы ағаның 90 жылдық мерейтойын ел есінде қаларлықтай атап өту ойда бар, – деді өңір басшысы.
Оңдасын ЕЛУБАЙ,
Өскемен.