Электронды мемориал

Ұлы Отан соғысындағы қазақстандықтар туралы деректер сайттарға қойылды

Ел Тәуелсіздігінің 20 жыл­дығы қар­саңында Қазақстан Рес­публи­ка­сы Қорғаныс минис­тр­лі­гіне Ресей Федерация­сы қорғаныс ведомство­сы Ұлы Отан соғысы кезінде Қазақстанның түк­­пір-түкпірінен со­ғысқа аттанып, қай­тыс бол­ғандар мен хабар-ошарсыз кеткендердің деректерін табыс етті. Бұл дегеніңіз, біздің Отанымызды қорғауда қай­тыс болғандар мен хабар-ошарсыз кеткендер үшін лайықты ескерткіш болмақ. Электронды тасымал құралда­рында сақталған деректер Ресей Федерациясы Қорғаныс министр­лігінің Орталық мұражайындағы және РФ ҚК әскери-мемориалдық орталығының ресми мұрағат құ­жат­тарынан жинақталды. Мәлі­мет­тер әскери бөлімдердің орны толмас шығындары туралы ха­барламалары мен басқа да мұра­ғаттық құжаттары негізінде, қара қағаздар мен госпиталь және медсанбат құжаттарынан, кеңес әске­ри тұтқындарының жеке карточ­каларынан, сондай-ақ жерленген кеңес офицерлері мен сарбаз­да­ры­ның төлқұжаттарынан алынды. Деректерде қайтыс болған адам­­ның әскери шені, қай бө­лімде қызмет атқарғандығын, қайтыс болған күні мен себебін (мерт болды, жарақаттан қайтты, хабар-ошарсыз кетті) және қай жерге жерленгендігін білуге болады. Ақпараттық анықтамада 587000-нан астам қазақстандық­тар­дың мәліметі бар. Анық­та­ма Қазақстан Республикасы Қорға­ныс министрлігінің (mod.gov.kz) ресми сайтына орналастырылған. Майдангер-жауынгерлердің элек­тронды деректерімен танысуға мүмкіндік мол. Электронды мемориал – біздің батыр аталары­мыз бен әкелеріміздің ұрпақта­рына, барлығымызға қажет. Оксана ПАРПУРА, Қорғаныс министрлігі баспасөз қызметінің қызметкері. Суретті түсірген Ермек САРБАСОВ.