Кеше Премьер-Министр Кәрім Мәсімовтің төрағалығымен «Самұрық-Қазына» ұлттық әл-ауқат қоры» АҚ-тың директорлар кеңесінің кезекті отырысы өтті.
Онда «Самұрық-Қазына» АҚ-тың 2011-2015 жылдарға арналған даму жоспары бекітілді. Жоспарда қызметтің шешуші көрсеткіштерінің стратегиялық өндірістік, қаржылық, әлеуметтік, индустриялық-инновациялық топтары көрініс тапқан.
Сондай-ақ жоспарда 2010-2014 жылдарға арналған мемлекеттік үдемелі индустриялық-инновациялық даму бағдарламасына, индустрияландыру картасына және басқа да салалық бағдарламаларға енген стратегиялық инвестициялық жобалар қамтылған.
Сонымен бірге директорлар кеңесі «Самұрық-Қазына» АҚ-тың жаңа редакциядағы ережесін бекітті. Онда қор басқармасының қызметі егжей-тегжейлі регламенттелген.
«Егемен-ақпарат».
