Білім • 09 Тамыз, 2018

Білім басқармалары мектеп директорларын дербес тағайындай алмайды - Асхат Аймағамбетов

291 реткөрсетілді

ҚР Білім және ғылым вице-министрі Асхат Аймағамбетовтің мектептерді аккредиттеу және мектеп директорларын тағайындау туралы өзгерістерді Сүлеймен Демирел университетінде өткен тамыз кеңесінде айтты.

Вице-министрдің айтуынша, министрлік «Дарын» республикалық ғылыми-тәжірибелік орталығы үшін міндеттер тізімін кеңейтеді. Енді онда тек байқау және олимпиадалар өткізумен қатар, дарынды балалардың арнайы мектептерінің жұмысы да үйлестіріледі.

«Біз мектеп директорларын тағайындау ережелеріне өзгеріс енгіздік. Енді білім басқармалары мен бөлімдері мектептердің директорларын дербес тағайындай алмайды, олар «Дарын» орталығымен ортақ келісімге келуге міндетті. Инновациялық-білім беру лицейлерінде өзіне тән құндылықтары бар. Білім басқармаларындағы әріптестеріміз кадрлық мәселелерді өздігінен шешпек болған, ал лицейлердің өздері басқа пікірде. Біз де жаңа ережелер арқылы осы мәселені шешеміз. «KATEV» халықаралық қоғамдық қоры инновациялық-білім беру лицейлерінің жұмысын үйлестіріп отырғандықтан, директорларды тағайындау мәселесінде өз пікірін білдіруі қажет. Басқа мектептер бойынша да дәл солай, бұл ретте «Дарын» орталығымен кеңесу қажет», деді Асхат Аймағамбетов.

Қазақстанда бүгінгі таңда дарынды балаларға арналған 131 мамандандырылған мектеп бар. Министрлік олардың барлығына халықаралық аккредиттеуден өтуді ұсынып отыр.

Баннер
Соңғы жаңалықтар

Өркениетке бастаған өрелі істер

Қазақстан • 21 Тамыз, 2019

Ұқсас жаңалықтар