Өнер • 13 Тамыз, 2018

Үшқоңыр келбеті елордада

322 реткөрсетілді

Ұлттық музейде Астананың 20 жылдық мерейтойы шеңберінде «Үшқоңыр» көрмесінің ашылу салтанаты өтті. Көрмеде Елбасының «Үшқоңыр» атты қанатты сөздер жинағына кірген суретшілердің туындылары көрсетілді.

2017 жылы Қазақстан Республикасы Мәдениет және спорт министрлігінің бастамасымен Тұңғыш Президент күні қарсаңында жарыққа шыққан, қазақстандық суретшілердің еңбектерімен безендірілген «Үш­қоңыр» атты қанатты сөздер жи­нағына Елбасының жүрекжарды тебіреністері мен туған жеріне деген ыстық махаббаты жайлы қанатты сөздері топтастырылған.

Шараның ашылу салтанатында сөз алған Ұлттық музей директорының орынбасары Ма­рал Балтышев: «Бұл көрмеде Елбасының балалық шағынан бастап, мемлекет қайраткеріне дейінгі қалыптасу жолымен қылқалам шеберлерінің туындылары арқылы таныса аласыздар. Елбасымыздың барлық өмір жолы – егемен еліміздің өркендеп өсуіне қызмет етудің жарқын үлгісі болып табылады.

Біздің ең басты құндылығымыз – Отанымыз бен Тәуелсіз Қазақстан. Мемлекет басшысы Қазақстан тарихындағы шешуші кезеңде еркіндік пен Тәуелсіздікті аңсаған халықтың асыл арманын орындады. Бүгінгі көрме Елбасымыз Нұрсұлтан Назарбаевтың арман-аңсарын, мақсат-мүддесін айқын көрсетеді деп ойлаймын», деді.

«Үшқоңыр» көрмесі  Қазақ­стан­ның Тұңғыш Президенті Нұр­сұлтан Әбішұлы Назарбаевтың туған өлкесі Үшқоңыр елді ме­ке­ніне арналған. Елбасы өзінің әрбір Жол­дауларында, әңгімелерінде, Үш­қоңыр жайлы кітаптарында Отан жайлы сыр шерте келе, ата-ба­ба жерінің рухани қолдаушы ре­тін­де қалай желеп-жебеп жү­ре­тіндігін қайталаудан жалыққан емес.

«Золотая книга» баспа үйі­нің бас редакторы Вячеслав Тите­нев: «Үшқоңыр» жинағы Руха­ни жаңғыру бағдарламасы аясын­да жүзеге асырылған жоба. Бұл кітап арқылы Елбасының туған жеріне деген махаббатын көрсеткіміз келді. Әр адамның туған жері – оның ыстық мекені. Қарапайым отбасында, қазақ ауылында тәрбиеленген ауыл баласынан Мемлекет ­басшысы қалай қалыптасқанын сурет­тер арқылы насихаттағымыз келді. Елбасының естеліктерін суретпен бейнелеп бердік», деп «Үшқоңыр» кітабы туралы айтып өтті. 

Көрмеге Б.Армат, А.Чун­чалинов, Х.Қиқимов, Ж.Абдра­ман, Б.Нұрмағанбетов, В.Сла­бос­­пицкая, Т.Байғалиев, Қазақ­стан Ұлттық музейі қорынан Ә.Қастеев, С.Айтбаевтың және т.б. су­рет­ші­лердің туындылары қойылған.

Бағашар ТҰРСЫНБАЙҰЛЫ,

«Егемен Қазақстан»

Баннер
Соңғы жаңалықтар

Құмырсқа пәлсапасы

Қоғам • Бүгін, 09:48

Табысқа жетуге талпындырды

Қоғам • Бүгін, 09:23

Ұлттық комитет мүшелері бас қосты

Қазақстан • Бүгін, 09:17

Тиімділікті арттыратын құжат

Қазақстан • Бүгін, 09:15

Жеті балуан ТОП-20 қатарында

Спорт • Бүгін, 09:12

Өнер бәйгесінің жаңа жұлдызы

Руханият • Бүгін, 09:06

Бөдене саңғырығы – биоотын

Аймақтар • Бүгін, 09:04

Шатарбай әулетінің шеберлері

Руханият • Бүгін, 09:02

Қаймағы бұзылмаған қазына

Руханият • Бүгін, 08:56

Түлкі өзені бір тазарып қалды

Аймақтар • Бүгін, 08:52

Арал қайта оралады

Аймақтар • Бүгін, 08:50

Мәрмәр етін өндіретін кешен

Экономика • Бүгін, 08:46

Түркінің түп негізі – қазақ

Руханият • Бүгін, 08:36

Сабақтастық стратегиясын саралау

Қазақстан • Бүгін, 08:30

Химиялық қалдықтардан қатер көп

Экология • Бүгін, 08:25

Жаны қазақ Виктория

Қоғам • Кеше

Ұқсас жаңалықтар