Бұған дейін әлеуметтік желіде Астана көшесімен жүріп келе автобустың салонын толығымен су алып кеткені жөнінде видео тараған еді. «Желіде тараған видеоға келсек, автобусты су басу қаупі болғандықтан, жүргізуші қозғалысты тоқтата алмады. Сол себепті жүргізуші су басқан аумақтан жүріп өтіп, келесі айналымын уақытша өзгертілген схема бойынша бастаған», - деп түсіндірді компанияның баспасөз хатшысы. Баспасөз хатшысының хабарлауынша, қазір де Б. Момышұлы даңғылының А.Тоқпанов - Сарайшық бөлігін су басып жатыр.
Айта кетейік, Астанада толассыз жауған нөсер жаңбырдан көшелерді су алып, бірқатар автобус бағдары өзгертілді. Б. Момышұлы даңғылының А.Тоқпанов - Сарайшық көшесі аралығында жүретін №15, 47, 51, 56, 61, 101 автобус бағдарлары 21 тамыз 06:00-ден бастап су тазартылғанша уақытша қозғалыс бағыттарын өзгертеді.