Медицина • 10 Қыркүйек, 2018

Төртем мектеп есігін ашты

182 реткөрсетілді

Қызылжар өңірінде ел тәуелсіздігінің 27 жылы ішінде тұңғыш рет тіркелген айтулы оқиғалардың біріне Андрей мен Светлананың бірден төрт қыз баланың ата-анасы атануы­н жатқызуға болады. Отбасы иелері он жыл бойы бір сәби сүюді армандап, бақытқа кенелер қуанышты кезді зарыға күтіп жүргенде Маша, Катя, Лиза,Тоня есімді үйелменді-сүйелменді шақалақтар дүние есігін іңгәлап ашқан. Қызылжар ауданының орталығы Бескөл кентінде тұратын қарапайым отбасына облыстық ішкі істер департаменті үш бөлмелі пә­терді сыйға тартып, басқа да жөн-жоралғыларын жасаған. Бұдан бөлек жергілікті «Ұрпақ» қоры арқылы нәрестелерге депозит ашылып, 150 айлық есептік көрсеткіш көлемінде қаржы салынған.

Жетіге келгенше жерден таяқ жеп өскен сәбилер биыл мектеп табылдырығын аттап, партаға отырды. Шәкірт атанып, алғашқы қоңырау соғу мәртебесіне ие болды. Қазір өзі қатарлас 19 құрбысымен бірге ұстаздарының алдынан тәлім-тәрбие алып жүр.

– Төртеуінің мінезі әрқилы болғанымен, бәрі де зейінді, сабаққа алғыр. Қазақша да, орысша да жүзге дейін жаңылмай санайды,–дейді сынып жетекшісі Евгения Сомбарецкая. Аналары Светлананың айтуынша ба­лабақшаға барған күннен бастап ән айтуға, би билеуге машықтанған. Кейін бұл қабі­леттерін әрі қарай дамытып, түрлі мәдени кештерге белсене қатысатын болған.

Андрей ОІІД-нің қызметкері, Светлана сатушы. Алдағы уа­қытта «Мерейлі отбасы» бай­қауына қатыспақ ойлары бар. Оған дайындықты бас­тап кетіпті. Департамент басшылығы жылдағы дәстүр ізімен Ивановтар отбасына арнайы келіп, төртемге сый-сияпаттарын көрсетіпті.

Өмір ЕСҚАЛИ,

«Егемен Қазақстан»

Солтүстік Қазақстан облысы,

Қызылжар ауданы

Баннер
Соңғы жаңалықтар

Іргелі ізденістер ошағы

Аймақтар • Бүгін, 09:36

Бірегей гибридті операциялық зал

Технология • Бүгін, 09:21

Оқу мен оқымаудың арасы

Әдебиет • Бүгін, 09:16

Жамбыл ескерткіші жаңғырды

Аймақтар • Бүгін, 09:15

Өзбек еліндегі өнер мәуесі

Руханият • Бүгін, 09:13

Ерен тоғайын сақтау парызымыз

Қазақстан • Бүгін, 09:11

Түйткілі таусылмаған туризм

Қазақстан • Бүгін, 09:03

Арам ойы іске аспады

Аймақтар • Бүгін, 09:00

Дениссіз өткен бір жыл

Спорт • Бүгін, 08:59

Қоқыс өңдейтін мекемеде болды

Аймақтар • Бүгін, 08:51

Даудың басы – Dragonfly

Әлем • Бүгін, 08:41

Атырау – Арыспен бірге

Аймақтар • Бүгін, 08:34

Сенім – мемлекеттің тірегі

Руханият • Бүгін, 08:31

Күтім болмаса, топырақ та тозады

Қазақстан • Бүгін, 08:25

Ерді сыйлар ел қайда?

Қоғам • Бүгін, 08:19

Тойтөбеге  саяхат 

Аймақтар • 20 Шілде, 2019

Ұқсас жаңалықтар