Медицина • 10 Қыркүйек, 2018

Тау бөктеріндегі танысу

152 реткөрсетілді

Ақ ішік жамылған Алатаудың бөктеріндегі демалыс үйіне қыс ортасында жолдама алып келген бір топ ауыл шаруашылығы саласының қызметкерлері кө­гілдір мұнарға оранған қала жақ­қа қарап, өзара әңгіме-дүкен құрып тұр.

– Алматы дегеніңіз жалпы, қазақтың зиялы, білімді, дарынды азаматтары қоныс тепкен құтты мекен ғой. Ел ардақ­тайтын ақын да, жазушы да, ғалым да, әнші де, құдай-ау, бәрі-бәрі осында.

– Иә-ә, дұрыс айтасыз. Біздің Жуа­лыдан шыққан атақты жазушы, мемлекет қайраткері Шерхан Мұртазаның үйі жаңылыспасам ана-а-ау Оқушылар сарайының маңында.

– Ол кісі тек жуалылықтарға ғана емес, бүкіл қазаққа ортақ азамат қой!

– Әрине, әрине!.. Бірақ оның туған жері Жуалы екенін ешкім де жоққа шығара алмас.

– Оныңыз рас. Мына біз­дің жар­кенттік жазушымыз Бек­сұлтан Нұр­жекеев те осы қалада. Бірақ оның үйі дәл қай тұста екенін анық білмеймін, өтірік айтып нем бар?!.

Міне, өстіп елден келген кісілер өз топырағында туып-өскен айтулы, абыройлы азаматтарды айтып, гуілдеп тұрғанда кенет біздің әкей де топтан қал­май, кеудесін мақтаныш кернеп:

– Алматыда тұратын біздің де бір қаламгер ағамыз бар, – деп қалды. – Ол кісінің аты-жөні – Зәкір Асабаев! Көп жылдан бері «Мәдениет және тұрмыс» журналында қызмет істейді. А-а... Иә, иә... ол журналдың аты қазір «Парасат» болып өзгерді.

Міне, осы сәтте манадан бері ола­р­дың әңгімесіне араласпай, өз алдына оқшауланып, ақ ұлпа жамылған Алатауға тамсана қарап тұрған орта бойлы, ашаң жүзді қалалық кісі бұла­рға назар аударып, біздің әкейдің бі­тім-болмысын бастан-аяқ көзімен бір шолып өтті. Содан соң түскі астың уақыты болып қалғанын ескеріп, демалушылар асханаға қарай аяңдаған кезде қасына жақындап келіп:

– Ассалаумағалейкүм, – деп амандасты.

– Уағалейкүмәссалам, – деді біз­дің ақкөңіл әкей қала­лық кісі­нің мұсыл­манша сәлем­дес­кеніне қуанып.

– Сіз осы жаңа Алматыда бір қаламгер ағам тұрады деп қалдыңыз, айып болмаса сол кісінің аты-жөнін тағы да бір қай­талап жібермес пе екенсіз.

– А-а... айтсам айтайын, о кісі – Зәкір Асабаев!

– Бәрекелді, – деді қалалық кісі жымиып, ақырын ғана басын шұлғып. – Сіз онымен жиі кездесіп, әңгімелесіп тұрушы ма едіңіз?

– Жо-оқ! – Біздің әкей басын шай­қады. – Ол жағынан ұяттылаумыз ен­ді!.. Бірақ жазған-сызғандарын оқып жүреміз.

– Ә-ә, иә... Оныңыз рас. Бірақ енді сол кемшілікті жоятын уа­қыт жеткен секілді, – деді қала­лық кісі. – Өйткені мен жа­ңағы... өзіңіз айтқан Зәкір Асабаев деген ағаңыз боламын!

– Оу, солай ма еді!

Сөйтіп екеуі бір-бірін ұзақ жыл көр­меген бауырлардай құшақтаса кетті.

 

* * *

Бұл күнде сол бір қуанышты сәтті Зәкең де, менің әкем де ыстық ықыласпен еске алады. Шындығын айтқанда, екеуі де өткен шақты сағынып, тау бөктеріне барып, қайта таныс­қысы келіп тұрады.

Нұрғали ОРАЗ,

«Егемен Қазақстан»

Баннер
Соңғы жаңалықтар

Іргелі ізденістер ошағы

Аймақтар • Бүгін, 09:36

Бірегей гибридті операциялық зал

Технология • Бүгін, 09:21

Оқу мен оқымаудың арасы

Әдебиет • Бүгін, 09:16

Жамбыл ескерткіші жаңғырды

Аймақтар • Бүгін, 09:15

Өзбек еліндегі өнер мәуесі

Руханият • Бүгін, 09:13

Ерен тоғайын сақтау парызымыз

Қазақстан • Бүгін, 09:11

Түйткілі таусылмаған туризм

Қазақстан • Бүгін, 09:03

Арам ойы іске аспады

Аймақтар • Бүгін, 09:00

Дениссіз өткен бір жыл

Спорт • Бүгін, 08:59

Қоқыс өңдейтін мекемеде болды

Аймақтар • Бүгін, 08:51

Даудың басы – Dragonfly

Әлем • Бүгін, 08:41

Атырау – Арыспен бірге

Аймақтар • Бүгін, 08:34

Сенім – мемлекеттің тірегі

Руханият • Бүгін, 08:31

Күтім болмаса, топырақ та тозады

Қазақстан • Бүгін, 08:25

Ерді сыйлар ел қайда?

Қоғам • Бүгін, 08:19

Тойтөбеге  саяхат 

Аймақтар • 20 Шілде, 2019

Ай соңына дейін жұмысын аяқтайды

Аймақтар • 19 Шілде, 2019

Ұқсас жаңалықтар