Үкімет • 10 Қыркүйек, 2018

Бақытжан Сағынтаев Өнеркәсіптік даму жөніндегі комиссияның отырысын өткізді

342 рет
көрсетілді
1 мин
оқу үшін

Бүгін Үкімет үйінде Премьер-Министр Бақытжан Сағынтаевтың төрағалығымен Өнеркәсіптік даму жөніндегі комиссияның отырысы өтті.

Бақытжан Сағынтаев Өнеркәсіптік даму жөніндегі комиссияның отырысын өткізді

Отырыс барысында индустриалды даму саласындағы мемлекеттің ұзақ мерзімді әрі жүйелі саясаты талқыланды. Атап айтқанда, Комиссия мүшелерінің қарауына 2020–2024 жылдарға арналған Қазақстан Республикасының индустриалды-инновациялық даму тұжырымдамасы ұсынылды. 

ҚР инвестициялар және даму министрі Ж. Қасымбектің айтуынша, жоба Елбасының «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауында алға қойылған міндеттерге сәйкес және Қазақстан Республикасының 2025 жылға дейінгі Стратегиялық даму жоспарының негізгі талаптарына негізделіп дайындалған.

Мәлім болғандай, елімізде 2010 жылдан бастап экономиканы әртараптандыру және шикізат бағытынан шығу жолымен еліміздің тұрақты дамуына қол жеткізуге бағытталған индустриалды саясат жүргізіліп келеді. 2019 жылы индустрияландырудың екінші бесжылдығы аяқталады. Үшінші бесжылдықтың талқыланып жатқан тұжырымдамасында ҚР өңдеу өнеркәсібінің халықаралық бәсекеге қабілеттілігін ынталандыруға жағдай жасауды анықтау ұсынылады. Осы мақсатқа қол жеткізу үшін келесі міндеттерді шешу қажет: қазақстандық тауарларды сыртқы нарықтарға шығару, индустрияландыруды тереңдету, негізгі салаларды нығайту. Индустрияландыру саясаты сабақтастықты сақтап, өңдеу өнеркәсібін дамытуға бағытталатын болады.

Сондай-ақ, отырысқа салалық қауымдастықтардың өкілдері қатысты.