Тараздық 7 адамның, оның ішінде 5 құқық қорғау қызметкерінің өмірін қиған қанды оқиғадан бері 40 күн өтті. Осыған орай облыс және қала әкімдері Қ.Бозымбаев пен Б.Орынбеков қоғам тыныштығын сақтау мақсатында ерлікпен қаза тапқан 5 боздақтың отбасыларын жаңа пәтерлермен қамтамасыз етті.
Пәтердің кілттері мен жаңа баспананың «көрімдігі» ретінде тарту етілген теледидарларды қаза тапқан тәртіп сақшыларының жұбайлары Г.Тәжиева, Д. Сіметілдә, М. Юсупова, В. Власова және Г.Халиева қабылдап алды.
Сондай-ақ, облыстық ІІД басшылары «Халық Қаһарманы» Г. Байтасов пен 3-дәрежелі «Айбын» орденінің иегерлері атанған Полат Аянқұлов пен Жақсыбек Байсейітовке жеке құрам мен еліміздегі ізгі жүректі жандардың арнайы есепшотқа аударған қаржылай көмегін де табыс етті.
Көсемәлі СӘТТІБАЙҰЛЫ,
Жамбыл облысы.