Кеше Қазақстан Республикасы Үкіметінің қаулысымен Тимур Асқарұлы Құлыбаев «Самұрық-Қазына» Ұлттық әл-ауқат қоры» АҚ басқарма төрағасы қызметінен босатылды, деп хабарлады Премьер-Министрдің баспасөз қызметі.
Үкімет қаулысымен Қордың басқарма төрағасы болып Өмірзақ Естайұлы Шөкеев тағайындалды.
Түстен кейін Премьер-Министр Кәрім Мәсімов «Самұрық-Қазына» Ұлттық әл-ауқат қоры» АҚ-тың ұжымына жаңа төрағаны таныстырды.
«Мемлекет басшысы қабылдаған шешімге орай мен қаулыға тиісті өзгерту енгіздім, Өмірзақ Шөкеев «Самұрық-Қазына» басшысы ретінде Жаңаөзен қаласындағы әлеуметтік-экономикалық және гуманитарлық мәселелерді жедел шешу жөніндегі Үкіметтік комиссияны басқаруды жалғастырады», – деді Кәрім Мәсімов ұжыммен кездесу кезінде.