Салық қызметі органдарының «Салықтар және бюджетке басқа да міндетті төлемдер туралы» Қазақстан Республикасы кодексінің 18-бабының 1-тармағының 1) тармақшасына сәйкес басты міндеттерінің бірі салықтар және бюджетке басқа да міндетті төлемдердің уақтылы және толық түрде түсуі болып табылады. Салық төлеушінің салықтар және бюджетке басқа да міндетті төлемдерді төлеу бойынша салық міндеттемесін орындамау немесе уақытынан кейін орындау кезінде салық қызметі органдары салық міндеттемесін орындау әдісін қолдануы міндетті және Салық кодексіне сәйкес салық төлеушінің салық берешегін мәжбүрлі түрде өндіріп алуы керек. Салық кодексінің 609-бабының 1-тармағының 3) тармақшасына сәйкес салық берешегін мәжбүрлі түрде өндіріп алу әдісінің бірі салық төлеушінің мүлкін шектеу шешімі болып табылады.
Салық төлеушінің (салық агентінің) кассасы бойынша шығыс операцияларын тоқтата тұру салық қызметімен мынадай жағдайда жүргізіледі:
1. Салық берешегін өтеу туралы хабарламаны алған күннен бастап бес жұмыс күні ішінде салық берешегі өтелмеген жағдайда.
2. Салық төлеушінің (салық агентінің) кассасы бойынша шығыс операцияларын тоқтата тұру, банкке немесе банк операцияларының жекелеген түрлерін жүзеге асыратын ұйымға кейіннен оларды салық берешегін, міндетті зейнетақы жарналары мен әлеуметтік аударымдар бойынша берешектерді өтеу есебіне аудару үшін ақша тапсыру бойынша операциялардан басқа, кассадағы қолма-қол ақшалардың барлық шығыс операцияларына қолданылады.
Салық органының касса бойынша шығыс операцияларын тоқтата тұру туралы өкімін салық төлеуші (салық агенті) бұлжытпай орындауға тиіс.
Салық төлеуші (салық агенті) осы баптың талаптарын бұзғаны үшін Қазақстан Республикасының заңнамасына сәйкес жауаптылықта болады.
Салық органы салық төлеуші (салық агенті) салық берешегін өтегеннен кейінгі бір жұмыс күнінен кешіктірмей салық органының кассасы бойынша шығыс операцияларын тоқтата тұру туралы өкімінің күшін жояды.
Осыған байланысты, салық төлеушілерге салықтар және бюджетке басқа да міндетті төлемдердің уақтылы және толық түрде төлеуін ескертеміз.
Асхат САМЕТОВ, Астана қаласы Алматы ауданы бойынша салық басқармасының мәжбүрлі өндіріп алу бөлімінің жетекші маманы.