Кеше Қазақстан Республикасы Президентінің Әкімшілігі Басшысының орынбасары Т.Донақовтың төрағалығымен Қазақстан Республикасы Президентінің жанындағы Құқықтық саясат жөніндегі кеңестің кезекті отырысы болып өтті.
Кеңес отырысында корпоративтік дауларды жеңілдетіп шешу институттарын одан әрі дамыту тұжырымдамасы қарастырылды. Аталған мәселелер бойынша Әділет министрлігінің ақпараты тыңдалды.
Сондай-ақ кеңестің отырысында Құқықтық саясат жөніндегі кеңестің биылғы жылғы жұмысы қорытындыланды және Кеңестің 2012 жылғы Жұмыс жоспарының жобасы мақұлданды.
Өткізілген Құқықтық саясат жөніндегі кеңес отырысының ұсынымдары Қазақстан Республикасының заңнамасын және құқық қолдану қызметін әрі қарай жетілдіруде ескерілетін болады.
Қазақстан Республикасы Президентінің Әкімшілігі Мемлекеттік құқық бөлімі.