Белгілі жазушы Роллан Сейсенбаевтың полигон жайлы шығармасының желісі бойынша Семейдегі Достық үйі мен қала жастарының күшімен аудиоспектакль дүниеге келгеніне көп уақыт өткен жоқ. Жастық шағында жазушының өзі көзбен көрген атом полигонындағы ядролық жарылысты суреттейтін аудиоспектакльді жұртшылық жылы қабылдады.
Жақында «Невада-Семей» халықаралық ядролық қозғалысының вице-президенті Султан Картоев Өскемендегі Достық үйінде осы фильмнің тұсаукесер рәсімін жасады. Семейдегі Достық үйінің директоры Шолпан Балғозина, жарылысты көзбен көрген Болат Серікбаев ядролық апаттың адамзатқа жасаған қиянаты жайлы айта келіп, полигонды жапқан Елбасы Н.Назарбаевтың қоғамдағы рөлі жайлы баяндады. Фильм аяқталған соң С.Картоев екі журналисті мерекелік медальмен марапаттады.
Оңдасын ЕЛУБАЙ.
ӨСКЕМЕН.